ශාන්ති පදනමේ 36 වන සංවත්සරය
මාර්තු 28 දා
ජාතික, ආගමික, හා සාමාජික වැඩසටහන්
රාශියක මූලිකත්වය ලබාදෙන ශාන්ති පදනමේ 35 වන සංවත්සර මහා
සභාව ශාන්ති පදනමේ අනුශාසක කොටපොළ අමරකිත්ති හිමියන්ගේ
ප්‍රධානත්වයෙන් කොළඹ 07, බෞද්ධාලෝක මාවතේ සේරුවිල බෞද්ධ
මධ්‍යස්ථානයේ දී මාර්තු මස 28 වන සෙනසුරාදා පෙරවරු 8.30
පැවැත්වීමට කටයුතු සංවිධානය කොට ඇත.
ඉතිරිය»
85 ජන්ම දින සමරුව නිමිත්තෙනි
මහා විහාරවංශික ස්‍යාමෝපාලි මහා නිකායේ
අස්ගිරි මහා විහාර පාර්ශ්වයේ මහානායක ධුරන්දර
අග්ගමහාපණ්ඩිත
උඩුගම ශ්‍රී ධම්මදස්සි රතනපාල බුද්ධරක්ඛිත මහා නා හිමි
මහා විහාරවංශික ස්‍යාමෝපාලි මහා නිකායේ අස්ගිරි මහා විහාර පාර්ශ්වයේ
මහානායක අග්ගමහා පණ්ඩිත උඩුගම සද්ධර්ම කීර්ති ශ්‍රී ධම්මදස්සි රතනපාල
බුද්ධරක්ඛිත මහානායක ස්වාමීන්ද්‍රයන් වහන්සේ සසුනඹර ඒකාලෝක කරනු ලබන
ආදර්ශවත් සංඝ පීතෲන් වහන්සේ නමකි.
ඉතිරිය»
ධර්ම දේශනාව:
දුර්ලභ කරුණු සතරක්
සතර පොහෝදා නිකුත්වන බුදුසරණ මඟින් දහම් අවබෝධයක් ලබන, ඔබට අද මේ සඳහන්
කරන්නේ ශාන්ති නායක බුදුපියාණන් වහන්සේ ඔබ අපගේ හිත සුව පිණිස දේශනා කර
වදාළ ලොව්තුරා දහමින් බිඳක්. ඉහත සඳහන් වූ පරිදි මේ ලෝකයේ දුර්ලභ කරුණු
සතර පිළිබඳව අමා මෑණියන් වහන්සේ දේශනා කරන්නට යෙදුණි. සුවාසු දහසක්
ධර්මරත්නය අතරින් සුවිශේෂි වූයේ මේ දහම් කරුණ මිනිසාටය. එහිදි ස්ත්‍රී
පුරුෂ භේදයක් නැත.
ඉතිරිය»
මුනි සිරිපා පහස ලද මහියංගණ පුදබිම
බුදුරජාණන් වහන්සේ එදා ප්‍රථම වරට ලංකාවට වැඩම කළ අවස්ථාවේ දී මහියංගන
දාගැබ ඉදිවන ස්ථානයෙහි වැඩ සිටි බුදුරජාණන් වහන්සේ විසින් දේශනා කරන ලද
ධර්මය ඇසූ සමන් දෙවියන් සෝවාන් වී වැඳ පුදා ගැනීමට පූජා වස්තුවක් ඉල්ලා
සිටියේ ය. බුදුරජාණන් වහන්සේ හිස පිරිමැද කේශධාතු මිටක් සමන් දෙවියන්ට
ලබා දුන් සේක.
සමන් දෙවියන් විසින් එම කේශධාතු නිදන්කොට ඉඳුනිල් මාණික්‍යයෙන් සත්
රියන් දාගැබ කරවන ලදී. ඉන්පසු බුද්ධ පරිනිර්වාණයෙන් අනතුරුව සරභූ
තෙරුන්වහන්සේ විසින් බුදුරජාණන් වහන්සේගේ ගී‍්‍රවා ධාතූන් වහන්සේ මෙම
දාගැබෙහි ම නිදන් කොට දොළොස් රියන් උසට මේදෝ වර්ණ පාෂාණයෙන් දාගැබ කරවන
ලදි
ඉතිරිය»
|
අව
අටවක
අමාවක
පුර
අටවක
පසෙලාස්වක
