65 වන කොටස

281 ) වාචානුරක්ඛී මනසා සුසංවුතො - කායෙන ච අකුසලං න කයිරා
එතෙ තයො කම්මපථෙ විසෝධයෙ – ආරාධයෙ මග්ගං ඉසිප්පවෙදිතං

සිත, වචනය, කය කියන –තුන් දොර ම හසුරුවා
අජර වූ අමර වූ - නිවන වෙත පිවිසෙන්න
හිතවතුනි, නිරතුරුව - සංවරව හැසිරෙන්න
එවිට ඔබ පතන සැප – ඔබ කරා ගලනු ඇත.

282 ) යොගා වෙ ජායති භූරී – අයොගාභූරි සංඛයො
එතං ද්වේධාපථං ඤත්වා - භවාය විභවාය ච
තථත්තානං නිවෙසෙය්‍ය - යථා භූරී පවඩ්ඨති

සමථ විදසුන් දෙකෙන් – ගුණ නුවණ දියුණු වේ -
වෙනත් මගකින් අපට – නිවන් මග හමු නොවේ.
හිතවතුනි, ගුණ නුවණ – ටිකෙන් ටික වැඩෙන විට –
අප පතන සුව සතුට – ටිකෙන් ටික ළඟා වේ.

283 ) වනං ඡින්දථ මා රුක්ඛං - වනතො ජායතී භයං
ඡෙත්වා වනඤ් ච වනථං ච නිබ්බානා හොථ භික්ඛවො

කෙලෙස් යනු කැලෑවකි – එයින් අනතුරු ලැබේ. –
ඒ නිසා ඒ කෙලෙස් - වනය වනසා ලන්න.
හිතවතුනි, නරක සිත් – විපත් ගෙන දෙන්නේ ය
. සංවරව හැසිරෙන්න - සැප ගලා හැළෙනු ඇත.

284 ) යාවං හි වනථො න ඡිජ්ජති – අනුමත්තෝපි නරස්ස නාරිසු
පටිබද්ධමනො ච තාව සො - වච්ඡෝ ඛීරපකො’ ව මාතරි

ගැහැනියක පිළිබඳව -
පිරිමි සිත දුවන්නේ –
කිරි දෙනුන් සොයා යන –
වසු පුතකු පරිද්දෙනි.
හිතවතුනි, ආශාව - විපත් ගෙන දෙන්නේ ය. -
කෙසේ හෝ එය මදක් – පාලනය කළ යුතුය.

මතු සම්බන්ධයි