හෝමාගම පොසොන් මහ පෙරහර

හෝමාගම සංචාරක මංජුල හිරිපිටිය

හෝමාගම පුරාණ විහාරස්ථ ශ්‍රී මහින්දෝත්සව සමිතිය වාර්ෂිකව පවත්වන ලද “හෝමාගම පොසොන් මහ පෙරහර” මෙවර පනස් වන වරට ජුනි මස 18 දින රාත්‍රි වීථි සංචාරය කෙරේ. සීනාධී සිව් කෝරළයේ ප්‍රධාන සංඝ නායක හෝමාගම පුරාණ විහාරාධිපති මාදෝවිට පඤ්ඤාකිත්ති නා හිමියන්ගේ අනුශාසකත්වයෙන් පවත්වන ලද මෙම මහ පෙරහර සධාතුක කරඬුව රැගත් හස්තිරාජයා සහ මිහිඳු ප්‍රතිමාව රැගත් විශේෂිත රථයක් ගමන් කරන අතර පනස් වැනි වර පෙරහර නිමිත්තෙන් මෙවර අලි ඇතුන් පනස් දෙනෙකු ගමන් කිරීමට නියමිතය. මීට අමතරව උඩ, පහතරට, සබරගමු, සංස්කෘතික අංග රැසකින් සමන්විත වේ.

පෙරහර හෝමාගම පුරාණ විහාරස්ථානයෙන් ගමන් ආරම්භ කර, අතුරුගිරිය, දුම්රියපොළ මාර්ග ඔස්සේ හෝමාගම නගරයට පැමිණ, හයිලෙවල් මාර්ගයෙන් වලව්ව හන්දියට පැමිණ, වලව්ව පාර, නගර සීමා මාවතින් නැවත විහාරස්ථානයට ගමන් කෙරේ.