2600 ශ්‍රී සම්බුද්ධත්ව ජයන්තිය වෙනුවෙන්
විශාලතම බෞද්ධ පොත් හළ
15 වනදා විවෘත කෙරේ
නිහාල් පී. අබේසිංහ
2600 ශ්‍රී සම්බුද්ධත්ව ජයන්තිය වෙනුවෙන් ඉදිකරන ලොව විශාලතම බෞද්ධ
ග්‍රන්ථ හා තොරතුරු මධ්‍යස්ථානය කොළඹ හැව්ලොක් පාරේ තුන්මුල්ල හන්දියේ
මේ දිනවල ඉදිවෙමින් පවතී.
2600 ශ්‍රී සම්බුද්ධත්ව ජයන්ති මන්දිරය” ලෙස නම් කරන මහල් 16 කින් යුත්
මෙම ගොඩනැගිල්ලේ ඉදිකිරීම්වලින් සියයට 90 ක් පමණ දැනටම ඉදිකර අවසන්
බවත් මේ සඳහා රුපියල් ලක්ෂ 3300 ක් වැය වන බවත් මෙම මන්දිරය ඉදිකරන
දෙහිවල නැදිමාල බෞද්ධ සංස්කෘතික මධ්‍යස්ථානයේ අධ්‍යක්ෂ කිරම විමලජෝති
හිමිපාණෝ පවසති.
මහින්ද රාජපක්ෂ ජනාධිපතිතුමාගේ අනුග්‍රහයෙන් ලබා දුන් ඉඩමක මෙම මන්දිරය
ඉදිකර තිබේ.
500 කට අසුන් ගත හැකි සම්මන්ත්‍රණ ශාලාවක් අති විශාල බෞද්ධ පොත් සහ
තොරතුරු මධ්‍යස්ථානයකින් ද පෙර අපරදිග විවිධ භාෂාවන් ප්‍රගුණ කිරීමේ
මධ්‍යස්ථානයකින් ද ශබ්දාගාර හා පරිගණක නිර්මාණ කරන පහසුකම්වලින් ද
සමන්විත මේ තොරතුරු මධ්‍යස්ථානය මැයි 15 වැනිදා බොදු ජන අයිතියට
පත්කිරීමට යෝජිතය.
මීට අමතරව ධර්ම පර්යේෂණ සහ ධර්ම දූත සේවාවන් ප්‍රධාන විවිධ ශාසනික
කටයුතුවලින් ද සමන්විත මෙම ධර්ම මන්දිරය ඉදිකිරීමට ආධාර ලබාදීමට සැමට
අවස්ථාව ලැබී ඇති බව කිරම විමලජෝති හිමියෝ පවසති.
මෙම මධ්‍යස්ථානය මඟින් ඕනැම බෞද්ධ ග්‍රන්ථයක් ලබා ගැනීමේ පහසුකම මෙන්ම
විවිධ භාෂාවන් හා ආධුනිකත්ව දහම් පුහුණු වැඩ සටහන්, අන්තර් විශ්ව
විද්‍යාල බෞද්ධ ශිෂ්‍ය බල මණ්ඩල ක්‍රියාකාරකම්, බෞද්ධ මනෝ චිකිත්සක
මධ්‍යස්ථානයක්, බෞද්ධ ශබ්දාගාර හා පරිගණක පහසුකම් ආදිය ලබා දෙනු ලැබේ.
මෙම මන්දිරය විවෘත කිරීමත් සමඟම කොළඹ හැව්ලොක් පාර ශ්‍රී සම්බුද්ධත්ව
ජයන්ති මාවත ලෙස නම් කිරීම ද සිදු කෙරේ. |
පුර
අටවක
පසෙලාස්වක
අව
අටවක
අමාවක