බුදුසරණ අන්තර්ජාල කලාපය

ලේක්හවුස් නිර්මාතෘ පරලොව සැපත් ඩී.ආර්. විජයවර්ධන ශ්‍රීමතාණන්ගේ 125 වන ජන්ම දිනය සමරා ඉකුත් 26 සහ 27 දිනවල දී පින්කම් මාලාවක් සීමාසහිත එක්සත් ප්‍රවෘත්ති පත්‍ර සමාගමේ දී පැවැත්විණි.එහිදී පැවැති සර්ව රාත්‍රික පරිත්‍රාණ ධර්ම දේශනාව සඳහා කැලණිය විශ්වවිද්‍යාලයේ කුලපති, පෑලියගොඩ විද්‍යාලංකාර පරිවේණාධිපති ආචාර්ය වැලමිටියාවේ කුසලධම්ම නා හිමියන් ප්‍රධාන මහ සඟරුවන වෙත ලංකාවේ සීමාසහිත එක්සත් ප්‍රවෘත්ති පත්‍ර සමාගමේ සභාපති ජ්‍යෙෂ්ඨ මාධ්‍යවේදී බන්දුල පද්මකුමාර මහතා විසින් දැහැත් වට්ටියක් පිළිගන්වා පිරිත් දේශනාවට ආරාධනා කළ අවස්ථාව.

දානමය පින්කමට වැඩම කළ සඟරුවනින් කොටසක්.

ඩී.ආර්. විජයවර්ධන මහතාගේ පුත් රංජිත් විජයවර්ධන, ලංකාවේ සීමාසහිත එක්සත් ප්‍රවෘත්ති පත්‍ර සමාගමේ සභාපති බන්දුල පද්මකුමාර, මහා භාරකාර සරත් සෙනෙවිරත්න, මෙහෙයුම් අධ්‍යක්‍ෂ උපුල් දිසානායක කර්තෘ මණ්ඩල අධ්‍යක්‍ෂ සීලරත්න සෙනරත්, නීති අධ්‍යක්‍ෂ නීතිඥ රසාංග හරිස්චන්ද්‍ර යන මහත්වරු පැන් වඩා ඩී. ආර්. විජයවර්ධන මහතාට පින් අනුමෝදන් කළ අවස්ථාව.

27 වන දා දහවල් සංඝගත දක්‍ෂිණාව පැවැත් වූ අතර එහිදී මහා සංඝරත්නය උදෙසා පිරිකර පූජා කළ අයුරු. ශ්‍රී ලංකා බෞද්ධ හා පාලි විශ්ව විද්‍යාලයේ කුලපති මහාචාර්ය ඉත්තදෙමළියේ ඉන්දසර හිමියෝ ද මෙහි වෙති.

ඩී. ආර්. විජයවර්ධන ශ්‍රීමතාණන්ගේ ඡායාරූපය වෙත ලේක්හවුස් බෞද්ධ සංගමයේ සභාපති සීසර් සුදුසිංහ මහතා මල් දමක් පැළැඳ වූ අවස්ථාව. ඡායාරූප - සමන්ත වීරසිරි සාලිය රූපසිංහ සුසන්ත විජේගුණවර්ධන.

එක්සත් ප්‍රවෘත්ති පත්‍ර සමාගමේ සභාපති බන්දුල පද්මකුමාර, කර්තෘ මණඩල අධ්‍යක්‍ෂ සීලරත්න සෙනරත්, මෙහෙයුම් අධ්‍යක්‍ෂ උපුල් දිසානායක, සාමාන්‍යාධිකාරී අභය අමරදාස ‘බුදුසරණ’ කර්තෘ නෙල්සන් එස්. පෙරේරා යන මහත්වරු සහ සමාගමේ ලේකම් කුමුදු ගුණවර්ධණ මහත්මිය ද පිරිත් දෙසුම ශ්‍රවණය කළ අයුරු.එම පින්කමට ලේක්හවුස් සේවක සේවිකාවෝ විශාල පිරිසක් ද සහභාගි වූහ.

ඩී.ආර්. විජයවර්ධන ශ්‍රීමතාණන්ගේ 125 වන ජන්ම සමරු පින්කමෙන්...