පරවාහැර චන්දරතන නාහිමියන්ගේ මෙහෙයවීමෙන් ශිෂ්‍යාධාර ප්‍රදානය පෝදා
වෝල්ටර් දයාරත්න – අනුරාධපුර දිසා විශේෂ
පරවාහැර චන්දරතන නාහිමියන්ගේ අනුග්‍රහයෙන් ප්‍රංශයේ ජාත්‍යන්තර බෞද්ධ
මධ්‍යස්ථානය මගින් (උතුරු මැද පළාතට වැඩි නියෝජනයක්) ලැබෙන සේ ශ්‍රී
ලංකාවේ ආර්ථික අපහසුතා ඇති සිසුන් වෙනුවෙන් දහසය (16) වෙනි වතාවටත්
සිදු කරනු ලබන ශිෂ්‍යත්ව ප්‍රදානෝත්සවය අටමස්ථානාධිපති ආචාර්ය පල්ලේගම
සිරිනිවාස නා හිමියන්ගේ ප්‍රධානත්වයෙන් මිරිසවැටිය විහාරාධිපති
ඊතල්වැටුනවැවේ ඤාණතිලක හිමියන්ගේ සංවිධානයෙන් ඉල් පුරපසළොස්වක් පොහෝ
දින පස්වරු 2.00 ට මිරිසවැටිය රජ මහ විහාරස්ථ පිං බිමේදී පැවැත්වේ.
මෙවර පාසල් සිසුන් හා වෛද්‍ය සිසුන් වෙනුවෙන් ශිෂ්‍යත්ව හැත්තෑවක් (70)
පිරිනමන බව සංවිධායක මිරිසවැටිය විහාරාධිපති හිමියන් පැවසූහ. එම
අවස්ථාවට අටමස්ථානාධිපති ආචාර්ය පල්ලේගම සිරිනිවාස නාහිමි ස්වර්ණමාලි
චෛත්‍යරාමාධිපති පල්ලේගම හේමරතන නාහිමි, ශ්‍රී සම්බුද්ධ ජයන්ති
විහාරාධිපති නුගේතැන්නේ පඤ්ඤානන්ද නාහිමි, ලංකාරාමාධිකාරී උතුරු මධ්‍යම
දිසාවේ ප්‍රධාන අධිකරණ සංඝනායක රළපනාවේ ධම්මජෝති නාහිමි, මිරිසවැටිය
විහාරාධිපති ඊතල්වැටුන වැවේ ඤාණතිලක යන නා හිමිවරු විශේෂයෙන් සහභාගි
වනු ඇත. ශිෂ්‍යත්ව ප්‍රදානෝත්සවය වෙනුවෙන් උතුරු මැද පළාත් ආණ්ඩුකාර
කරුණාරත්න දිවුල්ගනේ, අධ්‍යාපන ඇමැති බන්දුල ගුණවර්ධන, උතුරු මැද
ප්‍රධාන අමාත්‍ය බර්ටි ප්‍රේමලාල් දිසානායක, පාර්ලිමේන්තු මන්ත්‍රී
ජානක ප්‍රියන්ත බණ්ඩාර, අනුරාධපුර මහ දිසාපති එච්.එම්.කේ. හේරත්,
කැළණිය විශ්වවිද්‍යාලයේ උප කුලපති මහාචාර්ය සරත් අමුණුගම, සමස්ත ලංකා
බෞද්ධ සම්මේලනයේ සභාපති ජගත් සුමතිපාල, මාධ්‍යවේදී හසන්ත හෙට්ටිආරච්චි
ගායන ශිල්පී කිත්සිරි ජයසේකර, ශ්‍රී ලංකා ගුවන් හමුදාවේ ජ්‍යෙෂ්ඨ
නිලධාරින් වන ගාමිණී ගුණතිලක, චාමික රූපසිංහ, ශ්‍රී ලංකා එයාර් ලයින්
හි චන්න වීරසිංහ, අනුර බන්දුසේන ද සිල්වා රාජ්‍ය හා පෞද්ගලික ආයතන
නියෝජනය කරමින් අධ්‍යක්‍ෂකවරුන්, කළමනාකරුවන් වන එල්.එම්.කේ.තිලකරත්න
ඇම්.බී.අසාවුඩ්, චන්ද්‍රලාල් ලියනගේ නන්දසිරි වාසලතිලක ඊ.අබේරත්න සුදත්
තෙන්නකෝන්, සමන්ත කරුණාරත්න යන මහත්වරු ඇතුළු විශාල පිරිසක් සහභාගි වනු
ඇත. |
පසෙලාස්වක
අව
අටවක
අමාවක
පුර
අටවක