ගිරි භණ්ඩ පූජාව මෙවරත්

මෙවර ගිරි භණ්ඩ පූජාව සිදු කරනු ලබන්නේ පොළොන්නරුව දිස්ත්‍රික්කයේ දිඹුලාගල සහ වැලිකන්ද ප්‍රාදේශීය ලේකම් බල ප්‍රදේශ දෙකට අයත් විහාරස්ථාන 110 ක ස්වාමීන් වහන්සේ වෙනුවෙනි. විහාරස්ථානයට අවශ්‍ය සරල භාණ්ඩ, සිවුරු පිරිකර, මුළුතැන්ගෙට අවශ්‍ය භාණ්ඩ, පුද පූජා සඳහා අවශ්‍ය භාණ්ඩ 100 ක් එක් එක් විහාරස්ථානයකට පූජා කිරීමට ගිරි භණ්ඩ පූජා කමිටුව සැළසුම් කර ඇත. බෞද්ධ කොඩි, ජාතික කොඩි, බුද්ධ පූජා භාණ්ඩ, සිවුරු, අඳන, පාත්‍ර, අට පිරිකර, ආදී වශයෙන් මෙම භාණ්ඩ 100 සමන්විත වේ.

මෙම අරමුණ මත අගෝස්තු 25 – 31 දක්වා දිනපතා තලගල මංගලාරාමයෙහි සෙත් පිරිත් දේශනා, පරිෂ්කාර පූජා සහිත පින්කම් මාලාවක් ද සංවිධානය කර ඇත. දිඹුලාගල සහ වැලිකන්ද ප්‍රදේශවල විහාරස්ථානයන්හි වැඩ වාසය කරන ස්වාමීන් වහන්සේ අගෝස්තු 31 දා උදේ 9.00 ට තලගල මංගලාරාමයට වැඩම කරති. එදින 10.00 ට මේ ශ්‍රේෂ්ඨ බුද්ධ ප්‍රත්‍රයන් වහන්සේ වෙනුවෙන් උපහාර උත්සවයක් පැවැත්වේ.

දවල් දානය පිරිනැමීමෙන් පසු අදාළ ගිරි භණ්ඩ පූජා කිරීමේ පින්කම පැවැත්වේ.