සුවදායී ජීවිතයකට දිව ඔසුව

අප ශාන්ති නායක බුදුපියාණන් වහන්සේ මුළු ලොවට දහම් දේශනා කළේ ලෝ වැසියන්ගේ විමුක්තිය සඳහා ය. හිත මුල් කර ගෙන ඇතිවන ඕනෑම ලෙඩකට ප්‍රත්‍යක්ෂ වශයෙන් ම බෙහෙත් කළ වෛද්‍යවරයෙක් ලෙස බුදුපියාණන් වහන්සේට හිමි වන්නේ අද්විතීය ස්ථානයකි. එම නිසා ම උන්වහන්සේ වෛද්‍යවරයකු ලෙස ද හැඳින්විය හැකි ය.

මෙම වෛද්‍යවරයා දුප්පත්, පොහොසත් කිසිම භේදයක් නො සලකා සියලු දෙනාට ම සැලකුවේ එකසේ ය. මේ කිසිම දෙයකින් මහජන ප්‍රසාදයක් හෝ ගරුනම්බු නාමයක් බලාපොරොත්තු වූයේ නැත.

පෙර දඹදිව නානා සමයාන්තරවලින් පිරී තිබුණු සමයක බුදුරජාණන් වහන්සේගේ පහළවීම, උග්‍ර දහම් පිපාසයෙන් පිපාසිත ව සිටි ජනතාවට බුදුදහම දිව ඔසුවක් විය. ඒවගේ ම සිතීමේ නිදහස ආදී ගුණයට මුල්තැන දුන් දහමක් උන්වහන්සේ ලෝකයා හමුවේ දේශනා කළහ. ඇත්ත වශයෙන් ම ශ්‍රී සද්ධර්මය මිනිසුන්ගේ දූෂිත සිත්සතන් සුමඟට යොමු කරවා ගැනීමට සමත් දිව ඔසුවක් ද වේ. අසහනකාරීත්වයෙන් මිදී සැපදායක ජීවිතයක් උදාකර ගැනීමට බුදුදහම තරම් දිව ඔසුවක් මේ මිහිපිට තවත් නැති තරම් ය.

- එල්.එච්. රංජිත් වික්‍රමරත්න