වැලිවිට ශ්‍රී සරණංකර සංඝරාජ නා හිමි ගුණ සැමරුම

වර්තමාන ශාසනික ප්‍රබෝධයේ නියමුවාණන් වහන්සේ ලෙස සැලකෙන අසරණ සරණ සරණංකර වැලිවිට ශ්‍රී සංඝරාජ මාහිමිපාණන් වහන්සේගේ 313 වැනි ජන්ම දිනයට සමගාමීව 2011.06.15 සිට 19 දක්වා සංඝරාජ නාහිමි ගුණ සමරමින් උන්වහන්සේට පුණ්‍යානුමෝදනා කිරීමේ උත්සව මාලාවක් සූරියගොඩ නරේන්ද්‍රාරාම රජමහා විහාරයත්, කුඹල්වතුමුල්ල පුරාණ විහාරයත්, ඉලුක්තැන්න ආනන්ද ගිරිලෙන් විහාරයත් කේන්ද්‍ර කොටගෙන පැවැත්වීමට සූරියගොඩ මුරුතලාවේ වැලිවිට ශ්‍රී සරණංකාර සංඝරාජ සමාජ ආර්ථික සංවර්ධන පදනම මේ වන විට සියලු කටයුතු සංවිධානය කොට ඇත.

ජුනි 15 වැනි දිනට යෙදෙන පොසොන් පෝ දිනයේදී දාන ශීල භාවනා සහිත ආගමික වැඩසටහනකින් මේ උත්සව මාලාව ආරම්භ කිරීමට නියමිතය. එදිනම රාතියේ 8.00 සිට පසුදා පහන්වන තුරු ඉළුක්තැන්න ගිරිලෙන් විහාරස්ථානයේදී පරිත්‍රාණ ධර්ම දේශනාවක් පැවැත්වේ. පසුදින දවල් අර්ධශතාධික සංඝරත්නය විෂයෙහි පිරිනැමෙන අෂ්ට පරිෂ්කාර සහිත දානමය පුණ්‍යකර්මයක් වේ. කුඹල්වතුමුල්ල විහාරස්ථානයේ ඉදිකරන ලද ගණ්ඨාර කුලුන ජුනි 17 දින ප.ව. 6.30 ට විවෘත වීමට නියමිතය.

පේරාදෙණිය විශ්ව විද්‍යාලයේ ඉතිහාස අධ්‍යයනාංශයේ මහාචාර්ය හගුරන්කෙත ධීරානන්ද ස්වාමින්ද්‍රයන් වහන්සේ විසින් පැවැත්වෙන සගරජවත පිළිබද විශේෂ දේශනය ජුනි 18 දින පෙ. 8.30 කිරිඹත්කුඹුරේ ශ්‍රී සංඝරාජ බෞද්ධ මධ්‍යස්ථානයේදී සිදුකෙරේ. එදිනම ප.ව. 3.30 ට පමණ කිරිඹත්කුඹුරේ සිට සූරියගොඩ නරේන්ද්‍රාරාම රජමහා විහාරස්ථානය තෙක් ගමන් ගන්නා පොසොන් පෙරහර සහ සංඝරාජ පෙරහර ආරම්භ වීමට නියමිතය.

ජුනි මස 19 දින ප.ව. 5.30 ට පමණ සූරියගොඩ නරේන්ද්‍රාරාම රජමහා විහාරස්ථානයේදී සප්තාසන කාව්‍යමය ධර්මදේශනාවක් පැවැත්වේ.