UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

බුදුසරණ අන්තර්ජාල කලාපය

විහාරස්ථාන 1300 කට ජල පහසුව දෙවන පියවර පාසල්වලට

ලංකාවේ ඕනෑම ප්‍රදේශයකින් ලැබෙන ඉල්ලීම් අනුව දුර්වල විහාරස්ථාන 1300 කට රුපියල් ලක්‍ෂ 140 ක වියදමින් නානකාමර, වැසිකිළි, කැසිකිළි, ජලපහසුව සකස් කිරීමට කොළඹ 2, ශ්‍රී ජිනරතන පාරේ, ගංගාරාම විහාරස්ථානය මූලිකත්වය ගනී.

සැප්තැම්බර් මස අග කතරගම කිරිවෙහෙර අබියස සර්වරාත්‍රික පරිත්‍රාණ ධර්මදේශනයක් පවත්වා පසුදා උදේ ගරුතර මහා සංඝරත්නය 1300 නමකට දානය පිරිනැමීමෙන් අනතුරුව එම ආධාරය පිරිනැමේ.

ගමේ දායක, දායිකාවන් ඒකරාශී කරගෙන එම කටයුත්ත සාර්ථකව සිදුකරන විහාරස්ථාන මුල්කරගෙන ගමේ පන්සලේ ද එවැනි පහසුකම් ඇතිකිරීම සඳහා ආධාර පිරිනැමීමට එම සංවිධානය බලාපොරොත්තු වේ.

විහාරස්ථාන 1000 ක් සඳහා ආධාර තායිලන්තයෙන් ලැබෙන අතර මේ වනවිට ගංගාරාමයේ දායක දායිකාවන්ගෙන් විහාරස්ථාන 300 ක් සඳහා ආධාර ලැබී ඇත. ඇසෝෂියේටඩ් ඉලෙක්ට්‍රිකල්ස් සමාගමේ සභාපති අජිත් ද සොයිසා මහතා සහ එම මහත්මිය හා දරුපිරිස විසින් බලපිටිය ප්‍රදේශයේ පන්සල් සියයක් සඳහා ද, හැව්ලොක්ටවුමේ සුනිල් මෝටර්ස් අධිපති සුනිල් මහතා සහ මහත්මිය විසින් මාතර තිහගොඩ ප්‍රදේශයේ පන්සල් සඳහාද, ඇල්.එච්. පියසේන මහතා සහ දරුපිරිස විසින් හක්මන, නරවැල්පිට ප්‍රදේශයේ පන්සල් සඳහා ද, නවලෝක සමූහ ව්‍යාපාරයේ අධිපති දේශමාන්‍ය එච්.කේ. ධර්මදාස මහතා විසින් හම්බන්තොට සහ මැදමුලන ප්‍රදේශයේ පන්සල් සඳහාද ,ඩබ්ලිව්. ඩී. ප්‍රනාන්දු මහතාගේ සහ භද්‍රාවතී ප්‍රනාන්දු මහත්මියගේ දරුපිරිස විසින් අම්බලන්ගොඩ සහ අකුරැස්ස, ඌරුමුත්ත ප්‍රදේශයේ පන්සල් සඳහා ද, නිහාල් කරුණාරත්න මහතා විසින් කුරුණෑගල සහ ගම්පහ ප්‍රදේශයේ පන්සල් සඳහා ද, ආසිරි වික්‍රමසිංහ මහතා විසින් මිනුවන්ගොඩ ප්‍රදේශයේ පන්සල් සඳහා ද ආධාර කෙරේ.

මේ සඳහා උපකාරවීමට, ආධාර දීමට කැමති ශ්‍රද්ධාවතුන්ට කොළඹ 02, ශ්‍රී ජිනරතන පාරේ, ගංගාරාම විහාරස්ථානයෙන් තොරතුරු විස්තර ලබාගත හැකි බවද කියයි. කොටස් වශයෙන් ලංකාව පුරා ඇති විහාරස්ථාන වෙනුවෙන් එම සත්කාර්යය සිදු කිරීමට කටයුතු සැලසුම් කෙරේ.

අධ්‍යාපන ඇමැතිතුමා ද සහභාගි කරවාගෙන දුර්වල ගම්වල පාසල් වෙනුවෙන් ද පන්සල් මුල්කරගෙන වැසිකිළි ජලපහසුව සකස් කිරීමට සංවිධානය බලාපොරොත්තු වේ. ගංගාරාම විහාරය, 61, ශ්‍රී ජිනරතන පාර, කොළඹ 02 එහි ලිපිනය වන අතර දුරකථනය, 2327084, 2435169, අංක වේ

නිකිණි අව අටවක පෝය

නිකිණි අව අටවක පෝය සැප්තැම්බර් 01 වන දා බදාදා පූර්ව භාග 10.51 ට ලබයි.
02 වන දා බ්‍රහස්පතින්දා පූර්ව භාග 10.42 දක්වා පෝය පවතී.
සිල් සමාදන්වීම සැප්තැම්බර් 01 වන දා බදාදා ය.

මීළඟ පෝය සැප්තැම්බර් 08
වන දා බදාදා ය.


පොහෝ දින දර්ශනය

Second Quarterඅව අටවක

සැප්තැම්බර් 01

New Moonඅමාවක

සැප්තැම්බර් 08

First Quarterපුර අටවක

සැප්තැම්බර් 15

Full Moonපසෙලාස්වක

සැප්තැම්බර් 22

2010 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

© 2000 - 2010 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]