අධි සිල් ලබති

උඩුවේ අරියසිරි හිමි

පානදුර වත්තල්පොල ශ්‍රී සුදර්ශනාරාමය, වැලිගම පොල්වත්තේ තිබූම්මිකාරාමය යන උභය විහාරාධිපති ශ්‍රී ලංකා අමරපුර මහා නිකායේ ධම්මරක්‍ෂිත පාර්ශ්වයේ සමලේඛකාධිකාරි විශ්‍රාමලත් විදුහල්පති ශාස්ත්‍රවේදී දෙණිපිටියේ සෝමරතන නා හිමියන්ගේ ශිෂ්‍ය ගෞරව ශාස්ත්‍රවේදී ඉහළ උඩුවේ අරියසිරි ස්වාමින්වහන්සේ ජුනි මස 19 වන දින මහරගම සිරි වජිරඤාණ ධර්මායතන උපෝසථාගාරයේදී උපසම්පදාවට පත් වූහ.

හපුගොඩ සිරිසුමේධ හිමි

උඩරට අමරපුර මහා නිකායේ මහානායක පණ්ඩිත තෙරිපැහැ සෝමානන්ද මහනාහිමියන්ගේ උපාධ්‍යායෙන් කොණකලගල ශ්‍රී විජිත මහා විහාරාධිපති කොණකලගල උදිත හිමියන්ගේ සහ අඹතැන්න හපුගොඩ ශ්‍රී සුභද්‍රාරාම මහජන විහාරාධිපති මාතලේ විද්‍යානන්ද පරිවෙනාධිපති කර්මාචාර්ය ශාස්ත්‍රවේදී බටුගොඩ සංකිච්චායන හිමියන්ගේ ආචාර්යත්වයෙන් දැනට අලවතුගොඩ කොණතලගල ශ්‍රී සද්ධානන්ද පිරිවෙනේ ධර්ම ශාස්ත්‍ර හදාරන හපුගොඩ ශ්‍රී සුමේධ හිමියන් ජූලි 18 වනදා මහනුවර ගැටඹේ වරාතැන්න මහවැලිගග සිරිමහ බෝධි සීමාමාලකයේදී උපසම්පදා ශීල‍්‍රයෙහි පිහිටුවීමට නියමිතය. හපුගොඩ සුමේධ හිමියන් හාරිස්පත්තුව රජපිහිල්ලේ පදිංචි ජී.වික්‍රමසිංහ , සුනේත්‍රා කුමාරි වික්‍රමසිංහ යන දෙපලගේ පුත්‍රයෙකු වේ.

කේ.බණ්ඩාරනායක