බොදු පුවත් (ඡායාරූප)
 

ශ්‍රී ලංකාවේ චීන තානාපතිනිය ෂියුෂින් යැන්ග් මහත්මිය පසුගියදා (13) ස්‍යාමෝපාලිවංශික මහා නිකායේ අස්ගිරි මහා විහාර පාර්ශ්වයේ මහානායක උඩුගම ශ්‍රී බුද්ධරක්ඛිත මහනාහිමියන් බැහැදුටු අවස්ථාවේ දී පුජා භාණ්ඩ පිරිනමන ලදී. චීන බෞද්ධ සංගමයේ ශ්‍රී ලංකා සම්බන්ධීකාරක ලේකම් නීතිඥ සුමති ධර්මවර්ධන මහතා ද එම අවස්ථාවට සහභාගි විය. ගාමිණි රාමනායක

පැරැණි පුස්කොළ පොත් අද අපට දක්නට ලැබෙන්නේ විහාරස්ථාන ආශි‍්‍රතවය. එම පුස්කොළ පොත් දැනට ආරක්‍ෂා වී පවතින්නේ බෞද්ධ සිද්ධස්ථාන කේන්ද්‍රීයව බැවිනි. මහනුවර මල්වතු මහා විහාරයේ උපසම්පදා ලැබූ භික්‍ෂූන් වහන්සේගේ විස්තර ඇතුළත් වසර 125 ක් පමණ පැරැණි “ලේකම් මිටිය “ නමින් හඳුන්වන පුස්කොළ පොත මහ සඟරුවන විසින් පරීක්‍ෂා කර බලන අයුරු. ලේවැල්ල ගංගාරාමාධිපති කාරක සංඝසභික නැහිනිවල පියදස්සී, ශ්‍රී පාද භාරකාර දම්පහල සීලානන්ද, නැඳුන් විහාර භාරකාර හඳපාන්ගොඩ මහින්ද, මල්වතු විහාරවාසී තිබ්බටුවාවේ සිද්ධාර්ථ හිමිවරු ඡායාරූපයේ වෙති. ඡායාරූපය :- උදේනි රාජපක්‍ෂ