ජාත්‍යන්තර වෙසක් උළෙල
මෙවරත් තායිලන්තයේ දී
කැලණිය සමූහ - එඩ්වඩ් වීරසිංහ
ශ්‍රී බුද්ධ වර්ෂ 2553 හෙවත් ක්‍රි.ව. 2009 ජාත්‍යන්තර වෙසක් උත්සවය
මෙවරත් තායිලන්තයේ බැංකොක් අගනුවරදී පැවැත්වීමට කටයුතු යොදා ඇති බව
ජාත්‍යන්තර වෙසක් උත්සව සංවිධායක කමිටුවේ ශ්‍රී ලංකා නියෝජිත,
හෙයියන්තුඩුව මාබිම තායි - ශ්‍රී ලංකා බෞද්ධ සංස්කෘතික
මධ්‍යස්ථානාධිපති ශාස්ත්‍රපති රාස්සගල සීවලි හිමිපාණෝ පැවසූහ.
ලෝකයේ විශාලතම බෞද්ධ විශ්වවිද්‍යාලය වන චුලාලංකාර විශ්වවිද්‍යාලය,
තායිලන්ත රජයේ පූර්ණ රාජ්‍ය අනුග්‍රහය ඇතිව මෙවරත් මෙම ජාත්‍යන්තර
වෙසක් උත්සවය බෞද්ධ වත් පිළිවෙත් අනුව අති උත්කර්ෂවත් අයුරින් සැමරීමට
සියලු කටයුතු සම්පාදනය කරමින් පවතින බවද උන්වහන්සේ පැවසූහ. 2008
ජාත්‍යන්තර වෙසක් උත්සවයට සමගාමීව සංවිධානය කෙරෙන ජාත්‍යන්තර බෞද්ධ
සම්මන්ත්‍රණය මේ වසරේ මැයි මස 4, 5,6 යන දිනයන්හිදී පැවැත්වෙනු ඇත.
බුද්ධ වර්ෂ 2500 වැනි ශ්‍රී‍්‍ර බුද්ධ ජයන්තිය නිමිත්තෙන් අක්කර දහසකට
(1000) වඩා විශාල භූ®මියක ඉදිකිරීම් ඇරඹු ‘බුද්ධ මණ්ඩල’ නමැති දර්ශනීය
පූජා භූමියේදී මෙහි සමාරම්භක උත්සවය පැවැත්වෙනු ඇත. වැඩ බලන තායි
සංඝරාජ නාහිමියන්ගේ සහ ඔටුන්න හිමි සියම් කුමරුගේ් ප්‍රධානත්වයෙන්
ආරම්භ වන මෙම උත්සවයට රාජ්‍ය නායකයන් ඇතුළු ගිහි පැවිදි ප්‍රභූ® විශාල
පිරිසක් සහභාගි වනු ඇත.
බුදු සසුන සුරක්ෂිත කිරීමට අවශ්‍ය සියලු අංශ කෙරෙහි අවධානය යොමු කරමින්
සියලු විෂය ක්‍ෂේත්‍ර ආවරණය වන පරිදි බෞද්ධ විද්වතුන්ගේ් මූලිකත්වයෙන්
මෙම ජාත්‍යන්තර බෞද්ධ සම්මන්ත්‍රණය පැවැත්වේ. බෞද්ධ රටවල සංස්කෘතික
සංදර්ශනයක්ද එහිදී ඉදිරිපත් කිරීමට නියමිතය. මෙවර රටවල් 70ක නියෝජිත
පිරිස් සහභාගිවන මෙම ජාත්‍යන්තර වෙසක් උත්සවයට ශ්‍රී ලංකාව නියෝජනය
කරමින් ගිහි පැවිදි විද්වතුන් රැසක් සහභාගි වෙති. වසර 20 ක පමණ කාලයක්
තායිලන්තය සමග සමීප සබඳතා පවත්වාගෙන යන තමා මෙම සුවිශේෂ උත්සවය නැරඹීමට
නිරීක්ෂණය කිරීමට, බලාපොරොත්තු වන භික්ෂූන් වහන්සේලා හෝ ගිහි පින්වතුන්
සඳහා තායිලන්තය තුළදී සියලු පහසුකම් (හෝටල්, ප්‍රවාහනය, ආහාරපාන,)
සැපයීමට අවශ්‍ය සම්බන්ධීකරණය සිදුකිරීමට කටයුතු කරන බවද සීවලි හිමිපාණෝ
කීය.
එබැවින් මේ සඳහා අවස්ථාවක් ලබා ගැනීමට බලාපොරොත්තු වන සියලුදෙනා අංක
191, හෙයියන්තුඩුව, මාබිම තායි - ශ්‍රී ලංකා බෞද්ධ සංස්කෘතික
මධ්‍යස්ථානයට පැමිණ හෝ කිරිබත්ගොඩ මාකොළ පාරේ අංක 168 දරන ස්ථානයේ
පිහිටි තායි - ශ්‍රී ලංකා බෞද්ධ පොත් ප්‍රදර්ශනාගාරයෙන් තොරතුරු ලබාගත
හැකි බවද කීය. දුරකථන අංක 0112 - 488196 - 7 හෝ 0112 - 910688 හෝ 0112
- 914943 ඇමතීමෙන්ද ලබාගත හැකිය. |
පසෙලාස්වක
අව
අටවක
අමාවක
පුර අටවක