වඳිමු පුදමු සැමදා අපි ජයසිරි මහ බෝධී

දහස් ගණන් මහ රහතුන් පිරිවරලා බෝධි
ඔටුන් පලන් රජ දරුවන් පිරිවරලා බෝධි
සුගන්ධ ධූපයෙන් පුදලා පැදකුණු කර බෝධි
පෙළහර පාමින් වැඩ සිටිසේක එදා බෝධි

සත් දවසක් පූජාකොට පිදුවා ඒ බෝධි
සඝමිත් තෙරණිය දෑතට වැඩමෙව් ඒ බෝධි
නැව් නංවා ගෙලවට තෙක් දිය බැස පිදු බෝධි
තෙවරක් දඹදිව් දම් සෝ නිරිඳු පිදුව බෝධි

අනුරාපුර දෙව්පියතිස් රජ පිළිගත් බෝධි
පුද පෙරහර සමඟින් වැඩමෙව්වා ඒ බෝධි
රෙහෙනිය නැකතින් සිටුවා ගරු කළ ඒ බෝධි
මහමෙවුනා පින්බිම වැඩ සිටින අපේ බෝධි

නේක උපද්දව හමුවෙහි වැජඹෙන ජය බෝධි
අට ඵල රුහ නඟා සිටුව ජයසිරි මහ බෝධි
නිර්මල බුදු සසුන රකින උත්තම අප බෝධි
වඳිමු පුදමු සැමදා අපි ජයසිරි මහ බෝධි

මුල්ලේරියාව ජයතිලකාරාමයේ
වැල්ලම්පිටියේ චන්දිම හිමි