ශ්‍රී බුද්ධ වර්ෂ 2565 ක් වූ නවම් පුර අටවක පෝදා 2022 පෙබරවාරි 08 අඟහරුවාදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
අතීතං නාන්වාගමෙය්‍ය නප්පටිකංඛෙ අනාගතං - යදතීතං පහිනං තං අප්පතිතඤ්ච අනාගතං - පච්චුප්පන්නඤ්ච යො ධම්මං තත්ථ තත්ථ විපස්සති. මේ මජ්ක්‍ධිම නිකායේ එන භද්දෙකරත්ත සූත්‍රයට අයත් ගාථා ධර්මයකි. මේ ගාථාවෙන් උගන්වන උපදේශය දෛනික ජීවිතයේ සාර්ථකත්වය සඳහාත්, ආධ්‍යාත්මික ජීවිතයට අයත් පරම නිෂ්ටාව සඳහාත් එක සේ උපකාර වන දේශනාවේ ඒකදේශයකි. මේ ගාථාවේ තේරුම මෙසේ දැක්විය හැකි ය. අතීතය පසුපස නොයන්නේ ය. අනාගතය සිහි නොකරන්නේ ය. අතීතය පහව ගොස් ඇත. අනාගතය පැමිණ නැත. වර්තමානයේ යම් ස්වභාවයක් පවතී ද එයම විශේෂ වශයෙන් දකියි. මේ ගාථාව අපට දෙන උපදේශය අතීතයට සහ අනාගතයට ද නොගොස් වර්තමානය තුළ සිත තැන්පත් කර ගත යුතු බවයි. ඔබ දෙස බලා සිටින්නේ නම්, එවිට ඔබට වැටහේවි ඔබ ඉන්නෙ වර්තමානයේ නොව අතීතයේ හෝ අනාගතයේ හෝ බව. ජීවිතය විවිධාකාර සිද්ධීන්ගෙන් ගහනව පවතී. එය ජීවිතයේ දී මුහුණ දුන් කටුක අත්දැකීමක් විය හැකි ය. අස්ථාන චෝදනාවක් විය හැකි ය. පි‍්‍රය විප්‍රයෝගි අත්දැකීමක් විය හැකි ය. ධන හානියක්, වේදනාකාරි අත්හැරීමක් විය හැකි ය. එසේත් නැත්නම් සුන්දර පි‍්‍රයජනක සිදුවීමක් විය හැකි ය. එහෙත් ඒ සියලු මනසිකාරයන් ඔබගේ පවිත්‍ර සිත අපිරිසුදු කරයි. ආවරණය කරයි. සිත අපිරිසුදු කරන රාගය. ආශාව, ඊර්ෂ්‍යාව, තරහව, කෝපය. වෛරය, සැකය, පසුතැවිල්ල. සිතේ අකර්මණ්‍ය බව, මුළාව වැනි සිතිවිල්ලක් එම සිද්ධි ආවර්ජනයත් සමඟ ඵලයක් ලෙසට හටගනියි. මේ සිතිවිලි ඔබගේ සිත අපිරිසුදු කරන බව ඔබට නොවැටහේ. එයට හේතුව එම අතීත සිද්ධියට ඔබ දැහැන්ගතව සිටින නිසා ය. සිත අපිරිසුදු වූ බවට වටහා ගත හැකි චෛතසිකයක් ලෙසට කෝපය උදාහරණයක් ලෙසට දැක්විය හැකි ය.
පෙබරවාරි 08 අඟහරුවාදා පූර්වභාග 06.18 පුර අටවක ලබා 09 බදාදා පූර්වභාග 08.33 ගෙවේ. 08 අඟහරුවාදා සිල්
පුර අටවක
පෙබරවාරි 08
පසළොස්වක
පෙබරවාරි 16
අව අටවක
පෙබරවාරි 23
අමාවක
මාර්තු 02
© 2000 - 2022 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
පුර
අටවක
පසළොස්වක
අව
අටවක
අමාවක
