මව්පිය ගුණ සිහි කරමු

දස මසක් කුස හොවා මා බිහි කළ අම්මා
සිරුරේ ලේ කිරට පෙරා මා දැඩි කළ අම්මා
පෑව සෙනේ තම දරු කැල තුරුලු කරන් අම්මා
ජීවමාන මහ බඹු වේ මා බිහි කළ අම්මා

කුස තුළ නො දැරුවත් අපමණ වෙහෙස වුණී
අප ගැන සොයා බලමින් නිති වෙහෙස වුණී
දහඩිය හෙළා අප රැකගත් දයාවෙනී
මට ජීවය දුන් පියා වඳිනෙමි හද බැතිනී

ගොඩකවෙල සුමිත්ත හිමි
03 ශ්‍රේණිය
ගැමුණු මහ විහාරය වෙහෙරයාය

උඳුවප් පෝදා වැදගත් සිදුවීම්

සංඝමිත්තා මහ රහත් තෙරණින් වහන්සේ සමඟ ප්‍රධාන මෙහෙණින් වහන්සේලා සත් දිනක් සමුදුර තරණය කරමින් , ජය ශ්‍රී මහා බෝධීන් වහන්සේගේ දක්ෂිණ ශාඛාව රන් පාත්‍රයක තබා දඹකොළ පටුන වෙත රැගෙන වැඩියහ. තවද මෙරටට කලා ශිල්ප හා අක්ෂර ද මෙමඟින් අපට දායාද වන්නට විය.

සංඝමිත්තා මහරහත් තෙරණින් වහන්සේගේ මූලිකත්වයෙන් අනුලා බිසව ප්‍රධාන කාන්තාවන් පන්සියයක් පැවිදි කරමින් මෙරට භික්ෂුණි ශාසනය ආරම්භ කිරීමට කටයුතු සිදුවිය.

බුදුරජාණන් වහන්සේගේ වාම ශ්‍රී පාදය සැදැහැවතුන් විසින් වන්දනාමාන කිරීම ආරම්භ කරනුයේ උඳුවප් පොහොය දින සිට ය.

වගීෂ සඳරැස් ආරියරත්න
9 ශ්‍රේණිය
මධ්‍ය මහා විද්‍යාලය
වාද්දුව

උඳුවප් පොහොය

උඳුවප් පොහොය බෞද්ධයාට ඉතා වැදගත් පොහෝ දිනයකි. සංඝමිත්තා තෙරණින් වහන්සේගේ ලංකා ගමනය, ශ්‍රී ලංකාවේ භික්ෂුණී ශාසනය ආරම්භවීම, ශ්‍රී මහා බෝධින් වහන්සේ ලංකාවට වැඩමවා රෝපණය කිරීම, ප්‍රථම භික්ෂුණී ආරාමය ඇතිවීම, විවිධ වෘත්තිකයන් දඹදිව සිට මෙරටට පැමිණීම වැනි ශාසනික වශයෙන් වැදගත්වූ සිදුවීම් ගණනාවක් මේ පොහෝ දිනය සම්බන්ධව සිදුව ඇත. සිරිපා සමය ඇරඹෙන්නේ ද උඳුවප් පොහොයෙනි.

බෙන්ගමුවේ නන්දසාර හිමි
02 ශ්‍රේණිය,
ශ්‍රී සංඝබෝධි පරමානන්ද පුරාණ විහාරය
පොතුහැර