මුනි බණ පද අදත් ඇසේ මිග දා අරණේ

බුදු සිරිතේ අසිරිය පෑ
ඇසළ පෝ දිනේ
මහ මායා බිසවුන් පෙහෙවස්
දම් සුරකිනවා
සුදුවන් සුදු ඇත් පැටවකු
කුසට පිවිසෙනා
අඳුරු ලොවට රන් වන් රන්
එළිය ගෙනෙනවා
ඇසළ මල් සුවඳ පැතිරුණ
ඇසළ පෝ දිනේ
උපන්න රාහුල පොඩි පුතු
අතැර දැඩි සිතිනේ
අබිනික්මන් කළේ සිදුහත්
කන්ථක පිටිනේ
වනගත වී අනන්ත දුක්
ගැහැට විඳිමිනේ
පස්වග මහණුන්
දම්සක් සුතුර අසනවා
සුවහස් දෙව් පිරිස්
අහසෙ කරති වන්දනා
දම්සක් පැවතුම් බණ පද
සුතුර දේසනා
අදත් ඇසේ ඉසිපතනේ
මිගදා අරණේ

ආචාර්ය
රත්නපාල වික්‍රමසිංහ