උරුම දහම

සීත මීදුම් ගලා ගෙන විත්
ඈත කඳු පෙළ වසා ගෙන ඇත
නීල දෙනයන අයා බැලුමුත්
ඔබව පෙනෙනා ඉසව්වක නැත

ඈත සිට එන සීත සුළඟෙහි
ඔබේ වත්සුණු සුවඳ මුසු වුණ
වියෝ වූ ඔබ ගැයූ සුමියුරු
ගීත රාවය නොම ඇසේ

ඉදුණු පලුපත් බිමට වැටෙනා
කලක් ළඟ එනවා
සියලු මිහිරැති මතකයන් මේ
ලොව තබා යනවා

හැමට උරුම වුණු ඔබට ද හිමි වුණු
දහම මට ද උරුමයි
ආපසු යන විට තනිවම යා යුතු
බව හොඳ හැටි වැටහෙයි

තලල්ලේ චන්දකිත්ති හිමි