ශ්‍රී බුද්ධ වර්ෂ 2563 ක් වූ දුරුතු අමාවක පෝය දින රාජ්‍ය වර්ෂ 2020 ජනවාරි 24 වනදා සිකුරාදා

ගිහි ගෙදරට දහම් වැටක්:

ඉටුවිය යුතු යුතුකම් මග හැර තිබෙනවාද?

සෑම දරුවෙකුම තමන් හැදූ වැඩූ මව්පියන්ට තමන්ට හැකි ආකාරයෙන් සැලකිය යුතු යි. බුදු දහම ඉගෙන ගත්තත් මව්පියන්ගේ වැරැදි අඩුපාඩු හොයන දරුවන් වැඩි වශයෙන් ම ඉන්න රට ශ්‍රී ලංකාව යි. අපේ රටේ බොහෝ දෙනා අන්‍යයා පිළිබඳව කරුණු කාරණා සොයා බැලීමට ඉමහත් රුචිකත්වයක් දක්වයි. කළ යුතු දෙයට වඩා නො කළ යුතු දෙය කිරීමට බොහෝ දෙනා උත්සාහ ගනී. අනෙක් පුද්ගලයන් පිළිබඳ සිතන්න අවශ්‍ය නැත. තමන් පිළිබඳව එළඹ සිටි සිහියෙන් සිතීම හොඳටම ප්‍රමාණවත් ය. තමන්ගේ මව්පියන්ට තමන් කෙතරම් ප්‍රමාණයකට සලකා තිබෙනවාද? මේ වන විටත් කෙතරම් ප්‍රමාණයකට සලකනවාද? තමාගේ ගැටලු ඉදිරියට යොදා ගනිමින්, එම කාරණා තමාගේ වාසියට ගනිමින් තමාගෙන් ඉටුවිය යුතු යුතුකම් මගහැර තිබෙනවාද? යන ප්‍රශ්නය ඇසිය යුත්තේ අනෙක් පුද්ගලයන්ගෙන් නොවේ. තමාගෙන් ය. පළමුවෙන් ම දරුවන්ට යම් යම් දේ ලබාදෙන්නේ මව්පියන් පුබ්බදේව, පුබ්බාචරිය යන නම්වලින් මව්පියන් හඳුන්වා තිබෙන්නේ ද එම නිසයි. සෙනෙහස දක්වමින් ලේ කිරිකර පොවමින් පළමු ගුරුවරයා ලෙස කටයුතු කරන්නේ අම්මා, තාත්තා ය. මව්පියන් විසින් සෙනෙහසින්, මෛත්‍රියෙන් කළ යුතු නො කළ යුතු දේ හරි වැරැද්ද පහදා දෙයි.

දුරුතු අමාවක පෝය

දුරුතු අමාවක පෝය ජනවාරි 24 වනදා සිකුරාදා පූර්ව භාග 02.17 ට ලබයි. 25 වනදා සෙනසුරාදා පූර්වභාග 03.11 දක්වා පෝය පවතී. සිල් සමාදන්වීම ජනවාරි 24 වනදා සිකුරාදා ය.

මීළඟ පෝය පෙබරවාරි 02 වනදා ඉරිදා ය.