[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

පහන් සිතක කවි

වස්සානය

සැරසී සුදු වතින් තෙල් මල් ගෙන දෝතින්
එක්වී එක මඟක පන්සල් පැමිණ තුටින්
නික්මී යන දවස පිළිබඳ සිතා නැණින්
සිත් සේ කුසල් කරගන්නට යෙදෙමු ඉතින්

වස්සානය යි මේ එළැඹී තියෙන් නේ
පින් සාරය යි හද තුළ ලියලා එන් නේ
සම්මාදම යි සමඟිව කළ යුතු වන් නේ
අට මහ කුසලයට ඉඩකඩ සැලැසෙන් නේ


එතෙර වෙමි

තුන් ලොව දිනූ සම්බුදු හිමි දැක ගතිමි
මිත්‍යා පවිටු අදහස් හැම ඉවත ලමි
සම්බුදු දහම දැකගත් ‘මුනි’ කෙනෙකු වෙමි
ඉපදෙන මැරෙන සසරින් මම එතෙර වෙමි


වැළපුම

ඊතයිල් හා යුද්ධයෙන් දැන් මගේ පැරදුම අත ළඟයි
සිරෝසිස් වියරුවෙන් හිනැහී පරාජයෙ සුදු කොඩි වනයි
මගේ හිතවත් මිතුර අමතක වී ද ‘අක්මා’ මගේ නමයි
මෙමා වැනසුවෙ නුඹ වැළඳගත් මාර දුවගේ විස තමයි

නිපදවීමට ඇල්බියුමින් අපහසුයි මා හට අනේ
පටක තරලය එකතු වී මගෙ සිරුර ඉදිමෙනවා දැනේ
බඩ ගෙඩිය පිම්බිලා ටික ටික කළ ගෙඩිය වාගේ පෙනේ
මධ්‍යසාරයෙ කෙරුමෙ මහිමය සිහිය දුර්වල වෙනවනේ

අතපයේ වෙර වීරිය ඇති කල මොණර කොළයෙන් විකුම් පා
හිතවතුන් හා අඳුරු කුටි තුළ සිංහ වෙස් ගෙන සිනා පා
වීරයෙකු අද සුනඛයෙකු සේ නිවට දුක් විඳවයි අපා
කිසිම භවයක පවිටු මිතුරන් සමඟ ඇසුරක් නම් එපා


උපහාර

කැන්දවින්න නිජබිම හැර විත් ගමට
දක්වා පුදුම ඇල්මක් මේ ජන සැමට
කැක්කුම දැයට හද පතුලේ නිදන් කොට
දිවා රෑ විකුම් පෑ ගුණානන්ද හිමි හට

සතර වරං දෙවි පිහිටයි ගම්බාර
නිකිණි මාසෙ දහඅට වෙනි දින අමර
පැවිදි වියට ගෙවෙනා අඩ සිය වසර
සමිඳුට සෙත් පතා සැමගේ උපහාර


නිමල දහම රැක ගනිමු

එදා දවස අප සමිඟඳුන් වැඩ සිටියා
බුදු හිමි නෙතින් ඒ සැම දෙය දුටුවා
නිර්මල බුදු දහම රට තුළ පැතිර ගියා
දෙනෝ දහක් දෙන නිවනින් නිවන් ගියා

බුදු හිමි දෙසූ නිර්මල ධර්මය ඇත්තේ
ලක්දිව තුළ ය අප එය රැක ගත යුත්තේ
උගත් පඬිවරුන් සිටිමුත් නිති සිත් සේ
අපි සැම දෙනම එකතුව රැක ගත යුත්තේ


උපහාර

කැන්දවින්න නිජබිම හැර විත් ගමට
දක්වා පුදුම ඇල්මක් මේ ජන සැමට
කැක්කුම දැයට හද පතුලේ නිදන් කොට
දිවා රෑ විකුම් පෑ ගුණානන්ද හිමි හට

සතර වරං දෙවි පිහිටයි ගම්බාර
නිකිණි මාසෙ දහඅට වෙනි දින අමර
පැවිදි වියට ගෙවෙනා අඩ සිය වසර
සමිඳුට සෙත් පතා සැමගේ උපහාර


කඨිනය

සිදුරු නොවෙන නොබිඳෙන මහ කුසලයකි
වසරක එක් වරක් කළ හැකි පින්කමකි
සසර දුක් නිවේ නිවනට ඉණි මගකි
සුදනෙනි කෙලෙස් දුරු කළ හොත් යහපතකි

අට මහ කුසලයක දායකයකු වන්ට
කඨිනය හොඳයි වස් චීවරෙ දන් දෙන්ට
වස් කාලයෙ වැඩ සිටි හිමි නමක් හට
පූජා කළොත් ලැබෙනව නිවනට යන්ට


අනුබුදු මිහිඳු හිමි සමරමු

අනු බුදු මිහිඳු හිමි සිරිලක වැඩි සේක
අප හැම දෙනාටම සදහම් දෙසු සේක
වයසින් අසූ වසරක් මෙහි සිටි සේක
අද වැනි පෝ දිනක නිවනට වැඩි සේක

බිනර පුර අටවක පෝය

බිනර පුර අටවක පෝය සැප්තැම්බර් 05 වන දා බ්‍රහස්පතින්දා අපරභාග 08.49 ට ලබයි. 06 වනදා සිකුරාදා අපරභාග 08.42 දක්වා පෝය පවතී. සිල් සමාදන්වීම සැප්තැම්බර් 06 වන දා සිකුරාදා ය.

මීළඟ පෝය සැප්තැම්බර් 13 වන දා සිකුරාදා

පොහෝ දින දර්ශනය

First Quarterපුර අටවක

සැප්තැම්බර් 06

Full Moonපසෙලාස්වක

සැප්තැම්බර් 13

Second Quarterඅව අටවක

සැප්තැම්බර් 22

Full Moonඅමාවක

සැප්තැම්බර් 28

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2019 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk