|
කුළඟන සමිතිය
දෙව් බඹු පුදන සුරකින නිරතුරු කවදත්
දැකුමට නිවන් මඟ බුදුහිමි දෙසූ හරවත්
පින්කෙත මලියදෙව් හිමි වැඩසිටි අරහත්
කුළඟන සමිතියට ඇත මුල්තැන නැණවත්
පින් ලැදි දැහැමි දනහට යහගුණ බෙදමින්
අබිමානයෙන් වුණ පුදබිම තුළ දිලෙමින්
ඔබ යන ගමන කෙළවර මොක්සුව සොයමින්
නිම කළ හැකිය මතු මෙත් බුදු හිමි දැකුමින්
වට්ටාරම ටී. ඇම්. පොඩිරාළහාමි
****
දුක
වාරු නෑ දෙපා යුග
නිදි බරයි දෙනෙත් අග
හිස බරයි මාගේ ඇඟ
වේදනාවයි දෙඅත් යුග
ගෙවමින් සසර දුර කතර
ඇති ඇති ආවා මේ දුර
රසයෙන් චතු මධුර
වඩමි සති පටන සතර
ඩී . අයි. පී නිශ්ශංක කිරිඳිවැල
****
මරණානුස්මෘතිය
බුදු වදන සිහි වෙනවා මරණස්මුතිය වඩනවා
නෑ සියන් දුක් වෙනවා හුස්ම අපහසු වෙනවා
පපුව තද වෙනවා දෙනෙත් හෙමිහිට පියවෙනවා
සියල්ල අත් හරිනවා ගත නිසොල්මන් වෙනවා
සදා නින්දට යනවා ඈතට ඈතට ඇදී යනවා
අමරා කුරුප්පුමුල්ලගේ උඩහමුල්ල
****
රාගය
රාගය මහ ගිනි මැළයක්
ඇවිලුණු සඳ බැහැ නිවුමක්
සිත් සරසා විඳ වෙහෙසක්
කරලමු සීතල ගඟුලක්
චන්ද්‍රා වාකිස්ට |
අමාවක
පුර
අටවක
පසෙලාස්වක
අව
අටවක