UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

පහන් සිතක කවි

ඇය

ලොව පැවැත්ම හෝ නැවැත්ම
ඇත්තේ ඇගේ අතේමයි
වටහාගෙන ඇගේ අගය
ලොවට ශාපයක් නොවී
යහතින් ජීවත් විය යුතු ය
ලොවට ආශිර්වාදයක්ම විය යුතු ය
හැම ස්ත්‍රියක් ම මෙය
සිතේ තබා ගත යුතු ම ය

****

කඨින පිනේ බල මහිමය

වසරකට වරක් යෙදෙනා පින්කමවේ
සසර දුක නිවා නිවනින් සැනසුම දේ
එතෙර වන අය ට අත්වැල කඨිනය වේ
සතර අපායට කිසිවිට යනු නො ලැබේ

අවු වැසි ඉවස ඉවසා ජනතාව වෙත
පෙව් දම් අමාවෙන් මහජනතාව වෙත
ගව් දුර නොයා ළඟ ළඟ ඒ නිවන ඇත
දෙව් පුර නො ගොස් අම නිවනේ නිවේ සිත

****

පරගොඩ වෙහෙර

දකුණු ලකඹර ගාලු පුරවර අසල්වැසි ගම් පියසෙ වොරැදෙන
දෙවන පෑතිස් රජිඳු එදවස අෂ්ටඵල බෝධියෙන් පුදදෙන
මහා ගත්කරු විකුම් සිහ ගුරු නව කථාවෙන් මතක් කරදෙන
රජ මහා වෙහෙරක් ය ‘පරගොඩ’ නිවන් දක්නට පාර පෙන්වන

****

නිවන

දුක
නැති
තැන
ඇත
නිවන

****

පෙම්බර මෑණියනි

දස මාසයක් බර උසුලා දරා කුසේ
බිහිකොට ලොවට පෙරළා දුන් අමා රසේ
නහවා අන්දවා තබමින් මුවේ ඇසේ
හැදු අම්මා වඳිමි ගුණ ගී ගයා මෙසේ

පෙම්බර මෑණියනි මා දැඩි කර ගන්න
දුන් කිරි කඳම ඇති මව් ගුණ සමරන්න
ගම්බිර බුදු පුතෙක් සසුනට පුද දුන්න
පින් කඳ මදි නොවේ නිවනින් සැන සෙන්න

****

ධර්මය

ධර්මය අනුව ඇවිදින නර සසර බවේ
නිර්මිත ගතිය දුටු විට විනි විදව මැවේ
දර්ශනයකින් හැම කෙනෙකුට දෙවන සුවේ
ධර්මය සදා කාලික වස්තුවකි ලොවේ

****

බිනර පොහෝ අසිරිය

රැකගන්නට සසුන තෙරුවන් ගුණය රැඳු
විකසිත තඹුරු මෙන් දස අත සුවඳ බෙදූ
දැක පොහො බිනර අසිරිය බැති හදෙහි බොදු
සැක හැර තබමි කවිපද බුදු ගුණට පිදූ

****

නා හිමි සැරැදේ

ශ්‍රී ලංකා අඹර ශාසන තිලක හිමී
අමරපුර නිකායේ සඟ සමුළුවට එබී
පදරුත් සියල් දැන සුපුවතට කැටී
ජනපති අගමැතිඳු සුරතින් පදවි ලැබී

ගන්තුන උල්ගලයි අපගේ විහාරය
ගොඩ මඩ දෙකම පෝෂිත අලංකාරය
මඩවල නැණ අනඳ හිමි ගුරුගෙ භාරය
ලැබගත් අස්සජී විය එහි දෝංකාරය

දින දින යුග ගණන් හදවත් සනසන්න
ගුණ නැණ ලෝකයෙන් බුද්ධිය පුරවන්න
නා හිමි සඳුනි සසුනට වැඩ සලසන්න
තව බොහො කාලයක් සසුනෙහි වැඩ ඉන්න

****

රාහුල පොඩි හාමුදුරුවෝ

පොඩි හිමි ලකුණ බඳු බොදු ශාසනය තුළ
වැඩිහිටි සඟ රුවන නිති ආදරය කළ
දැඩි විනයකින් තම දිවි මඟ එළිය කළ
පඬි රුවනක් නො වෙද රාහුල හිමි එකල

පෙර තම පියා දැන් සම්බුදු හිමිය දැන
කර පෙන්වා නොමැත කෙනෙකුට පුහු මාන
වරදක් නොසිදුවෙයි සැම නිවැරැදි ව වුණ
පෙර භව පුරා ගෙන ආවද දැහැමි ගුණ

****

බුදු හිමියනි

ලෝකය ගිනිගෙන දැවෙනු පෙනේ
මිනිසත් කම් පිරිහෙනව පෙනේ
මගෙ බුදු හිමියනි, වඩිනු මැනේ
ලෝකය යහපත් කරනු මැනේ

****

ලෝක තිවංකර බුදු සමිදේ

මනසා නන්දන නිඳුකාණෝ බෝ සෙවණේ බුදු වුණ සමිඳේ
පරමානන්දන කුසිනාරාවේ සල් උයනේ පිරිනිවී සමිඳේ
සවනානන්දන පසුරා ඔබ ලොවිඳු තිලෝගුරු බුදු සමිඳේ
ජගතා නන්දන ඉසුර ඔබ බව නිම කළ සම්බුදු සමිඳේ

****

 

බිනර අමාවක පෝය


බිනර අමාවක පෝය ඔක්තෝබර් මස 08 වනදා සඳුදා පූර්ව භාග 11.35 ට ලබයි.09 වනදා අඟහරුවාදා පූර්ව භාග 09.20 දක්වා පෝය පවතී. සිල් සමාදන්වීම ඔක්තෝබර් 08 වනදා සඳුදා ය.

 

මීළඟ පෝය

ඔක්තෝබර් 16 වනදා අඟහරුවාදා


පොහෝ දින දර්ශනය

Full Moonඅමාවක

ඔක්තෝබර් 08

First Quarterපුර අටවක

ඔක්තෝබර් 16

Full Moonපසෙලාස්වක

ඔක්තෝබර් 24

Second Quarterඅව අටවක

ඔක්තෝබර් 31


2018 පෝය ලබන ගෙවෙන වේලා සහ සිල් සමාදන් විය යුතු දවස්

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2018 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk