මාදුළුවාවේ සෝභිත හාමුදුරුවෝ
චරිතාපදානය-13:
 මෙරට
මෑත ශාසන ඉතිහාසයේ සුපේෂල ශික්ෂාකාමී හිමිනමක් වූ මාදුළුවාවේ සෝභිත හිමියන්ගේ
චරිතාපදානය
බුදුසරණ පුවත්පතට සම්පාදනය කිරීම සඳහා තොරතුරු සැපයීමට මඟ පෙන්වන්නේ
කෝට්ටේ ශ්‍රී කල්‍යාණි සාමග්‍රී ධර්ම මහා සංඝ සභාවේ මහා නායක
ආචාර්ය ඉත්තෑපාන ධම්මාලංකාර මහ නාහිමියන්ය.
පැවිදි ගිහි සමාජයේ විවිධ පාර්ශ්වයන් අතර මෙන්ම දේශපාලන කරළියේද මෑත කාලීනව දැඩි
කතාබහට ලක් වූ චරිතයක් වූයේ මාදුළුවාවේ සෝභිත හිමියෝය. රට දැය ගැන ඇති කැක්කුම
මෙන්ම තමන් වහන්සේ උගත් දැනුම සෙසු භික්ෂූන් ඇතුළු ගිහි පිරිසටද බෙදා දීමට උන්
වහන්සේ කටයුතු කළහ. උන් වහන්සේ ශාස්ත්‍රවේදී උපාධිය පවා ලබා ගත්තේ තම නායක හිමියන්
දැඩි රෝගාතුරව රෝහලේ සිටි අවදියක බව අපි දනිමු. එසේ ලබා ගත් උපාධිය සහිත දැනුම
අනාගත පරපුරට බෙදා දීම උදෙසා උන් වහන්සේ මහත් වූ කැපවීමෙන්ම කටයුතු කළහ.
උන් වහන්සේ මෙරට විද්‍යාස්ථාන කිහිපයකම ආචාර්යවරයකු ලෙසින් සේවය කළහ. එමෙන්ම
පරිවේණාධිපතිවරයාණන් වහන්සේ නමක ලෙසින්ද උන් වහන්සේ තවත් වසර ගණනාවක් කටයුතු කළහ.
 උන් වහන්සේ කෝට්ටේ සිරි පැරකුම්බා පිරිවෙණේ පරිවේණාපතිධුරය ලබා ගත්තේ එම පිරිවෙනේ
විහාරාධිපතිව වැඩ සිටි ශ්‍රී ජයවර්ධනපුර කෝට්ටේ කල්‍යාණි සාම ග්‍රී ධර්ම මහා සංඝ
සභාවේ ප්‍රධාන වත්තපටිපාදක ධුරය දිගු කලක් හෙබ වූ අත්තිඩියේ ධම්මසිරි හිමියන්ගේ
ඉල්ලීම පරිදිය.
අත්තිඩියේ ධම්මසිරි හිමියන් විසින් රටට දැයට සසුනට කරන ලද සේවයට තමන් වහන්සේට කළ
හැකි ලොකුම සේවය ලෙසින් සෝභිත හිමියෝ එසේ පරිවේණාධිපතිධුරය ලබා ගත්හ.
එසේ එහි පරිවේණාධිපතිධුරයට පත් සෝභිත හිමියෝ කෝට්ටේ සිරි පැරකුම්බා පිරිවෙනේ කටයුතු
සඳහාත් ශාසනික කටයුතු සඳහාත් තමන් වහන්සේට කළ හැකි ලොකුම සේවය එහි පරිවේණාධිපතිධුරය
දිගුකලක් හො¼දින් දරා කටයුතු කිරිම බව උන් වහන්සේ දැන සිටියහ.
එසේ දිගු කලක් තම දැනුම බෙදා දුන් උන් වහන්සේ හොරණ කුඩා උඩුව නාලන්දා විද්‍යායතනයටද
සම්බන්ධ වී මෙරට ආගමික හා ශාසනික වශයෙන් කළ හැකි ලොකුම සේවාව ඉටු කළහ. එහි
ආචාර්යවරයකු ලෙස ආරම්භයේදී කටයුතු කළ පසුව එහි පරිවේණාධිපතිධුරය දරමින් කළ සේවාව
අදත් බොහෝ ශිෂ්‍ය භික්ෂූන් වහන්සේ අගය කරති. විශේෂයෙන්ම ශිෂ්‍ය භික්ෂූන් වහන්සේ
පවසන්නේ සෝභිත හිමියන්ගේ චරිතයෙන්ම බොහෝ දේ ඉගැනීමට තිබූ බවයි. සෝභිත හිමියන්
අධ්‍යාපනය ලබා දෙන ස්ථාන කරා භික්ෂූන් වහන්සේ නිරතුරුව පැමිණීමට එයම හේතුවක් විය.
සෝභිත හිමියන් ආචාර්වරයකු ලෙස වැඩිම කාලයක් සේවය කෙළේ නුගේගොඩ සුභද්‍රාරාම පිරිවෙන්
විහාරස්ථාන විද්‍යායතනයේය. අදත් බොහා් දෙනා අතර නමක් දිනා ඇති සුභද්‍රාරාම පිරිවෙන
ඒ තත්ත්වයට පැමිණීමට සෝභිත හිමියන්ගේ සේවාවද බෙහෙවින්ම හේතු විය. විශේෂයෙන්ම සෝභිත
හිමියන් සුභද්‍රාරාම පිරිවෙණේ නියෝජ්‍ය පරිවේණාධිපතිධුරය දරමින් ඉටු කළ සේවාව අදත්
බොහෝ භික්ෂූන් වහන්සේ මහත් ආඩම්බරයෙන් සිහි කරති. බොහෝ දෙනා අගය කරති.
මේ ආකාරයෙන් ගිහි පැවිදි ලෝකයේ නමක් දිනා ගත් සෝභිත හිමියන්ට විවිධ ගෞරව නාම හා
උපාධි ලබා දෙන්නට බොහෝ ආයතන කටයුතු කරන ලදී. ඒ සෝභිත හිමියන්ට එවන් උපාධියක් ගෞරව
නාමයක් ලබා දීම එම ආයතනයට ලොකු ගෞරවයක් වූ හෙයිනි.
ඒ අනුව ජයවර්ධනපුර සහෘද සංගමයෙන් 1999 වසරේදී විද්‍යෝදය විභූෂණ ගෞරව නාමය සෝභිත
හිමියන්ට ප්‍රදානය කරන ලදි. මෙරට මානව අයිතිවාසිකම් වැඩිදියුණු කිරිම වෙනුවෙන් හා
මානව අයිතිවාසිකම් ආරක්ෂා කිරීම වෙනුවෙන් කර ඇති සේවය උදෙසා 1996 වසරේදී සර්වෝදය
ජාතික සම්මානය ද සෝභිත හිමියන්ට ප්‍රදානය කරන ලදී.
එමෙන්ම තවත් ආයතන රැසක්ම සෝභිත හිමියන්ට ගෞරව උපාධි පිරිනැමීමට අදහස් කළද සෝභිත
හිමියන් විසින් ඒ සියල්ලම ප්‍රතික්ෂේප කරන ලදි.
මතු සම්බන්ධයි
- තාරක වික්‍රමසේකර
|
අව
අටවක
අමාවක
පුර
අටවක
පසෙලාස්වක