බුද්ධගයාව බෞද්ධ ආධ්‍යාත්මික නගරයක් කරනවා - ඉන්දීය අගමැති
|
ඉන්දියාවේ බුද්ධගයාවට පැමිණි ඉන්දීය අගමැතිවරයා වෙත බුද්ධගයා භික්ෂූන්
වහන්සේලා විසින් බුදු පිළිමයක් පිරිනමනු ලැබූ අයුරු. |
ඉන්දීය අගමැති නරේන්ද්‍ර මෝධි මහතා බුද්ධගයාව බෞද්ධාගමික ආධ්‍යාත්මික
නගරයක් බවට පත් කරන බව පවසයි.
ඒ මහතා ඒ බව පැවසුවේ පසුගියදා (6) බුද්ධගයාවේ පැවති ශ්‍රී ක්‍රිෂ්ණ
දෙවියන්ගේ ජයන්ති උත්සවය සමරමිනි.
බුද්ධගයාව වැඳ පුදා ගැනීමෙන් අනතුරුව බුද්ධගයාවේ පැවැති හින්දු බෞද්ධ
සමුළුවට එක්වෙමින් ඉන්දීය අගමැතිවරයා මේ බව පැවසීය. බුද්ධගයාව සියලු
බෞද්ධ-යන්ගේ පූජනීය අගනගරයක් බවට පිළිගන්නා බවත් තමන්ද එයට එකඟ වන බවත්
ඉන්දීය අගමැතිවරයා මෙහිදී ප්‍රකාශ කළේය.
බුද්ධගයාව බෞද්ධ අධ්‍යාත්මික නගරයක් බවට පත්කිරීම තුළින් ලෝකයේ වෙසෙන
සියලුම බෞද්ධ ජනතාව සමඟ සම්බන්ධවිය හැකි බවද අගමැතිවරයා අදහස් කර සිටී.
ලෝකයේ සිටින සියලුම බෞද්ධ ජනතාවට බුද්ධගයා ආධ්‍යාත්මීය නගරය වැඳ පුදා
ගැනීමට පැමිණෙන ලෙසත් ඒ සඳහා අවශ්‍ය සියලුම පහසුකම් සැලසීමට සූදානම්
බවත් ඒ මහතා පවසයි. ඉන්දියාවේ සිටි ජවහල්ලාල් නේරු,වජ්පායි වැනි
ජ්‍යෙෂ්ඨ නායකයින් අගමැතිධුර හෙබවූ බවත් ඔවුන් ගෙන් පසුව තමන්ටද
බුද්ධගයාව වැඳ පුදා ගැනීමට ලැබීම පිළිබඳ තමා ඉමහත් සතුටට පත්වන බවද
ඉන්දීය අගමැතිවරයා වැඩිදුරටත් පවසයි.
|
අමාවක
පුර
අටවක
පසෙලාස්වක
අව
අටවක