මැදගොඩ ශ්‍රී සුමනතිස්ස නාහිමි ගුණසමරුවට පින්කම්

පැපිලියාන ඓතිහාසික සුනේත්‍රා මහා දේවි පිරිවෙන් රාජමහා විහාරාධිපතිව වැඩසිට අපවත්වී වදාළ ආචාර්ය මැදගොඩ ශ්‍රී සුමනතිස්ස නාහිමියන්ගේ දසවර්ෂ පූර්ණ ගුණසමරු පින්කම මෙම 19 – 20 දෙදින තුළ පැවැත්වීමට කටයුතු යොදා තිබුණි.

වත්මන් විහාරාධිපති රාජකීය පණ්ඩිත මැදගොඩ අභයතිස්ස හිමියන්ගේ අනුශාසකත්වයෙන් එම ගුණ සමරු පින්කම පැවැත්වේ. 19 දා සවස 5.00 ට බුද්ධ පූජා පෙරහර 6.30 ට බුද්ධ පූජාව පැවැත්වීම (වතුරවිල මධුර ස්වාමීන්වහන්සේ) 20 වැනි දින උදේ 11.00 ට මහා සංඝරත්නය 200 නමක් විෂයයෙහි සාංඝීක දානයකි.

මීට සමගාමීව අසරණ පවුල් දෙකක් වෙනුවෙන් නව නිවාස දෙකක් ඉදිකිරීම ආරම්භ කිරීමද සිදු කිරීමට නියමිතව තිබිණි.