ඇසළ පෙරහර ආගමික හා
සංස්කෘතික පූජෝත්සවයක්
 මහනුවර උපෝෂිත පුෂ්පාරාම
විහාරද්වයාධිපති
මහා විහාරවංශික ස්‍යාමෝපාලි
මහා නිකායේ
මල්වතු පාර්ශවයේ මහානායක
තිබ්බටුවාවේ
ශ්‍රී සිද්ධාර්ථ
සුමංගල මහා නා හිමි
ජීවමාන බුදුරජාණන් වහන්සේ ලෙස සලකන සමස්ත ලෝකවාසී බෞද්ධ ජනතාව ඉතාමත්
ශ්‍රද්ධාවෙන් වන්දනාමාන කරන ශ්‍රී දන්ත ධාතුන් වහන්සේ ප්‍රමුඛස්ථානයෙහි
තබා සෙංකඩගල පුරවරයෙහි වාර්ෂිකව පැවැත්වෙන ඇසළ මහා පෙරහර ආගමික මෙන්ම
සංස්කෘතික මහා පූජෝත්සවයකි.
අනුරාධපුර කිත්සිරි මෙවන් මහරජතුමාගේ කාලයේ පටන් ශ්‍රී වික්‍රම රාජසිංහ
මහ රජතුමාගේ කාලය දක්වා රාජ රාජ මහාමාත්‍යාදීන් හා සාධු ජනයා ශ්‍රී‍්‍ර
දන්තධාතුන් වහන්සේ විෂයෙහි නානාවිධ පුද පූජා පැවැත්වූහ.මෙකී
පූජෝපහාරයන් අතර චිරාගත සම්ප්‍රදායික පුද සිරිත් නොකඩකොට පවත්වාගෙන යනු
ලබන සෙංකඩගලපුර ඇසළ මහා පෙරහර හෙළ සංස්කෘතිය විදහා දක්වන මහා සංස්කෘතික
කලා උළෙලකි. කීර්ති ශ්‍රී රාජසිංහ රජතුමන් වැලිවිට පිණ්ඩපාතික අසරණසරණ
සරණංකර සංඝරාජ මාහිමියන් වහන්සේගේද අනුශාසනා ලබා නාථ, විෂ්ණු, කතරගම හා
පත්තිනි දේවාලයන්හි පෙරහරද දළදා පෙරහරට එක් කළ අතර එදා සිට අද දක්වා
ශ්‍රී දළදා පෙරහර පවත්වාගෙන යනු ලැබේ.
මෙවර ඇසළ පෙරහර සර්වප්‍රකාරයෙන් සාර්ථක කර ගැනීමට හැකිවේවායි
ප්‍රාර්ථනය කරන අතර පෙරහර නැරඹීමට පැමිණෙන සියලුම දෙනාට ත්‍රිවිධරත්නයේ
හා ශ්‍රී දළදා සමිඳුන්ගේ ආශිර්වාදය ලැබේවායි ආශිංසනය කරම්හ.
|
පසෙලාස්වක
අව
අටවක
අමාවක
පුර
අටවක