ගෙලිඔය කරමඩ
ශ්‍රී වේළුවනාරාම
මහා විහාරය
සටහන සහ ඡායාරූප
ජගත් ජනපි‍්‍රය විජේසිංහ
ගඟ ඉහළ සමූහ
 මහනුවර දිස්ත්‍රික්කයේ උඩුනුවර ප්‍රාදේශීය ලේකම් කොට්ඨාසයේ මනරම් කඳු
මුදුනක පිහිටා ඇති ගෙලිඔය කරමඩ ශ්‍රී වේළුවනාරාම මහා විහාරය හා ශ්‍රී
සද්ධාතිස්ස විද්‍යාප්‍රදීප පිරිවෙන ප්‍රදේශයේ බෞද්ධ ජනතාවගේ මුදුන්
මල්කඩකි.
මහනුවර නාවලපිටිය (ශ්‍රී‍්‍ර පාද) මාර්ගයේ පිහිටා ඇති මෙම දැකුම්කළු
විහාරස්ථානය දෙස් විදෙස් සැදැහැවතුනට හා සංචාරකයන්ට ලෙහෙසියෙන් ළඟා විය
හැකි පූජා භූමියක් වශයෙන්ද සඳහන් කළ හැකිය. 1904 වර්ෂයේදී ආරම්භ කරන්නට
යෙදුණු මෙම විහාරස්ථානයෙහි, මහෝපාධ්‍යාය වරකාවැහැර සද්ධාතිස්ස නායක
හිමියන් විහාරාධිපති ලෙස වැඩ සිට ඇත. එයට පසු ශ්‍රී ලංකා රාමඤ්ඤ මහා
නිකායේ ජ්‍යෙෂ්ඨ කාරක සංඝසභික කරමඩ අරියතිස්ස නායක හිමියෝ විහාරාධිපති
ධුරයෙහි කටයුතු කළහ. වත්මත් විහාරාධිපති ශ්‍රී‍්‍ර ලංකා රාමඤ්ඤ මහා
නිකායේ දිසා පාලක ශාස්ත්‍රපති ගලහා සිරි සාන්ත නායක හිමියන් එම ධුරයට
පත්ව ඇත්තේ 2007 වසරේ දීය.
අද වන විට විහාරස්ථානයක තිබිය යුතු විහාරාංග සම්පූර්ණ වී තිබීම සතුටට
කරුණකි. එම විහාරාංග අතර පෞරාණික බුදුමැඳුර, ධර්ම ශාලාව ,සංඝාවාසය සහ
ශිෂ්‍ය නේවාසිකාගාරයද වේ.
|
විහාරාධිපති
ගලහා
සිරි සාන්ත නා හිමි |
සියවසකට අධික ඉතිහාසයක් ඇති ශ්‍රී වේළුවනාරාම මහා විහාරස්ථානයෙන්
ප්‍රදේශයට සිදුවූ ආගමික, සමාජීය සේවය අතිමහත්ය. මෙසේ ඉටුකරන්නා වූ උදාර
මෙහෙවර නිසා රජය පිළිගත් පුණ්‍ය ආයතනයක් ලෙස පාර්ලිමේන්තුවෙන් අනුමත කර
ඇත. මාසික ශීල භාවනා වැඩසටහන්, වාර්ෂික සදහම් චාරිකා,දෛනික පුද පූජා,
සෑම සෙනසුරාදාවකම බෝධි පූජා වැඩසටහන්, මාසික ධර්මදේශනා ඇතුළු ආගමික
වැඩසටහන් රැසක් විහාරස්ථානය ඇසුරෙහි සිදුවේ. විහාරස්ථානය කේන්ද්‍ර
කරගෙන ශ්‍රී සුචරිත වර්ධන දායක සභාව, සංඝමිත්තා කුලඟන සමිතිය, බොදු
තරුණ නවෝදය, ජනපුබුදු රූපවාහිනි මුතුහර ළමා සමාජය සහ ජනපුබුදු මානව
සංවර්ධන පදනම ආදි සංවිධාන රැසක් ක්‍රියාත්මක වේ. එමඟින් සිදුවන ජාතික,
ආගමික සේවය මහත්සේ අගය කළ යුතුය.
|
අව
අටවක
අමාවක
පුර
අටවක
පසෙලාස්වක