බෙල්ලන්විල ඇසළ පුණ්‍යෝ‍ත්සවය 62 වන වරටත්

බෙල්ලන්විල රාජමහා විහාරස්ථානය මගින් 62 වන වරට පවත්වන ඇසළ මහා පෙරහරෙහි මූලික කටයුතු පිළිබඳ සාකච්ඡාවක් ඇසළ පෙරහර කමිටුවේ ලේකම් දෙහිවල, ගල්කිස්ස නියෝජ්‍ය නගරාධිපති කේසරලාල් ගුණසේකර මහතා විසින් ඉකුත් 20 වන ඉරු දින සවස 4.00 ට විහාරස්ථ ධර්ම ශාලාවේ දී පැවැත්විණි.

මහාචාර්ය බෙල්ලන්විල විමලරතන අනුනාහිමියන් මූලාසනය හෙබවූ එම රැස්වීමට කම්කරු හා මිනිස් බල අමාත්‍ය ගාමිණී ලොකුගේ මහතා සහ කොළඹ දිස්ත්‍රික් ලේකම්තුමා, කැස්බෑව ප්‍රාදේශීය ලේකම්තුමා, දෙහිවල, ගල්කිස්ස මහ නගර සභාවේ නගරාධිපතිතුමා, බොරලැස්ගමුව නගර සභාවේ සභාපතිතුමා, නුගේගොඩ ඡ්‍යොෂ්ඨ පොලිස් අධිකාරිතුමා ඇතුළු විශාල ප්‍රභූ පිරිසක් හා ගම්වාසීහු සහභාගී වූහ.

ඇසළ මහා පුණ්‍යෙීත්සවය හා සම්බන්ධ දින වකවානු මෙදින ප්‍රකාශයට පත්කළ අතර එය පහත දැක්වේ.

අගෝස්තු. 16 සිට 18 දක්වා ධර්ම දේශනා මාලාව ද, අගෝ. 19 සති පිරිත ආරම්භ කිරීම ද, 25 කුඹල් පෙරහර, දේවදූත පෙරහර හා දොරකඩ අස්න අනුශාසනාව සිදු කිරීමද, 26 සිට 29 මල් පෙරහර ද, 30 පාවාඩ පෙරහරද, 31 රන්සිවිලි පෙරහර ද, සැපතැම්බර්. 01 රන්දෝලි පෙරහරද, 02 දියකපන පෙරහර හා දේව දානය හා ගරා යක් ශාන්ති කර්මය ද පැවැත්වේ.

තෙරුවනට කරන පූජාවක් වශයෙන් සිදු කරන මෙම ඇසළ පුණ්‍යෝත්සවය වඩාත් අලංකාරවත් ලෙස මෙවරද සිදු කිරීමට තීරණය කැරිණි.