75 වන කොටස

බණ්ඩාර මඩුගල්ලේ

322. චරමස්සතරා දන්තා - ආජානීය්‍යා ච සින්ධවා
කුඤ්ජරා ච මහානාගා - අත්තදන්තෝ තතො වරං

ඇත්තු සහ අශ්වයෝ, සුසංවර නම් වටිති. හිත සුසංවර වීම, ඊට වැඩියෙන් වටී. තම මනස, සුසංවර කරගන්න. එවිට හැමතැනදීම ඔබ පළමුවැන්නා ය.

323. න හි එතෙහි යානෙහි – ගච්ඡෙය්‍ය අගතං දිසං
යථාත්තනා සුදන්තේන – දන්තෝ දන්තේන ගච්ඡතී

කිසිම වාහනයකින්, නිවන වෙත යන්න බැහැ. සුසංවර වූ මනස, තුළින් එහි යා යුතුයි. සුසංවර, මනස මහ සම්පතකි. ඒ තුළින් ලොව්තුරා, සැප පවා ලද හැකි ය.

324. ධනපාලකො නාම කුඤ්ඡරෝ - කටුකප්පභේදනො දුන්නිවාරයො
බද්ධෝ කබලං නභුංජ - සුමරති නාගවනස්ස කුඤ්ජරෝ

ධනපාල නම් ඇතා, අකීකරු වූයේ ය. මහා වනපෙතක් ගැන, ඌ නිතර සිතුයේ ය.

අසීමිත, ආශාව බිහිසුණු ය. ඔබේ සමබර මනස, ඉතාමත් යහපත් ය.

325. මිද්ධියදා හොති මහග්ඝසො ච – නිද්දායිතා සම්පරිවත්තසායී
මහාවරාහො ව නිවාපපුට්ඨො - පුනප්පුනං ගබ්භමුපෙති මන්දො

මහා පස්කම් සැපට, ලොබ බැඳුණු තැනැත්තා නැවත නැවතත් සසර උපතක් ලබන්නේ ය.

කම් සැපට, ගිජු නොවී හැසිරෙන්න. එවිට දුක හීන වී සැප වගා වන්නේ ය.