දරුවන් තිදෙනෙකු පැවිදි කිරීමේ පින්කමක්

කල්‍යාණී ධර්ම මහා සංඝ සභාවේ මහානායක ධුරන්දරව වැඩ සිට අපවත් වී වදාල බටගම පඤ්ඤානන්ද නා හිමියන්ට සහ ගම්පහ අස්ගිරියේ ශ්‍රී විජිතාරාමාධිපතිව වැඩ සිට අපවත් වී වදාල ඒකල සාරානන්ද හිමියන්ට අපවත් වී වදාල මාකේවිට සීලානන්ද හිමි සහ නිවන්දම ජනානන්ද හිමියන්ටද පින් පැමිණවීමේ පින්කමක් මෙම මස දහසය (16) වන දින ගම්පහ අස්ගිරියේ ශ්‍රී විජිතාරාමයේදී පැවැත්විමට සංවිධානය කර තිබිණි. මෙම පින්කමට සමගාමීව එදිනම බෙරලපනාතර කැටවල ඒ . එල්. ඉඳුනිල් උදයංග , ටී.දුමිඳු චාමර සහ වී.ජී. වසන්ත ලහිරු සම්පත් යන දරුවන් පැවිදි කිරීමේ පින්කමක් ද ශ්‍රී විජිතාරාමයේදී විහාරාධිපති නෑබඩ ගස්වැවේ සිරි සුමන සහ විහාරාධිකාරි ගින්නලියේ සරණපාල හිමිවරුන්ගේ අනුශාසකත්වයෙන් සිදු කැරිනි. මෙම පින්කම ශ්‍රී විජිතාරාම විහාරස්ථ දායක සභාව සහ කුලඟන සමිතිය විසින් පින්කම සංවිධානය කරන ලදී.