අවසර දෙනු මැන
පහන් සිතින් තුන් සිවුර දරාගෙන
දෝත පුරා පිපි තඹුරු කුසුම් ගෙන
පේවී පේවී දින සති ගැන ගැන
ආවෙමු අටමස්ථානේ වඳිනට
රුවන්මැලිය වැන්දා - අභයගිරිය වැන්දා
ථූපාරාමේ ලංකාරාමේ ජේතවනය වැන්දා
සතොසින් මිරිසවැටිය වැන්දා
නෑ මුරකාවල් නෑ මුරකාවල්
සාධු සිතින් වැන්දා.......
පිරිකර තෙල් මල් පහනුත් අරගෙන
උඩමළුවේ බෝ සමිඳු පුදන්නට
යනවිට මුරකාවල් බැඳ සිටි අය
අවසර දෙනු බැහැ කීවයි අපහට
ජය සිරි මා...හාමුදුරුවනේ
මියෙන්න පෙර මට එක දවසක්
නළල බිම තබා ඔබ නමදින්නට
අවසර දෙනු මැන එක මොහොතක්
නාමල්වත්තේ ශ්රී ආනන්ද හිමි |
