ඕමාන් දේශයේ දහම් හඬ පැතිරෙයි

අරාබි රටක් වන ඕමාන් දේශයේ ශ්‍රී ලංකා තානාපති කාර්යාල පරිශ්‍රය තුළ ශ්‍රී සම්බුද්ධත්ව ජයන්ති විහාරය නමින් චිත්තාකර්ෂණීය වූ මනරම් බෞද්ධ සිද්ධස්ථානයක් පවතියි. ඕමාන් දේශය තුළ වෙසෙන ශ්‍රී ලාංකේය සැදැහැති බෞද්ධ ජනතාවගේ මුදුන්මල්කඩවන් සම්බුද්ධත්ව ජයන්ති විහාරය කේන්ද්‍ර කර ගනිමින් නිරන්තරයෙන් ම ආගමික වත්පිළිවෙත් පැවැත්වෙයි. මෙවර උදා වූ නව වසරට ආශීර්වාද කොට සර්වරාත්‍රික පරිත්‍රාණ ධර්ම දේශනයක් සහ ධර්ම දේශනා මාලාවක් ද බුද්ධ වන්දනා හා බෝධි පූජා වැඩසටහන් මාලාවක් ද ඉතා ක්‍රමවත් ව සංවිධානය කොට තිබිණ.