අතහැරීම
 

සුවඳැති කුසුමක් වී
ඔබ දින චරියාවේ
අකුසල් අරමුණු
මනසින් අතහරිනට
අදිටන් කළ මැන සැම කල්
පුරුදු කරනු මැන සැම කල්
බුදු හිමි වැඩි මඟ පියවර තබනා
සැදැහැති සව්වකු සේ
ඔබගේ මනසට යහපත් අරමුණු
ගන්නට අදිටන් කළ මැන
නිරතුරු දිවා රැයේ
පුරුදු කළ මැන
සැම දා දිවා රැයේ

බුදු හිමි වැඩි මඟ පියවර තබනා
සැදැහැති සව්වකු සේ

දිවිය පුරා අල්ලාගත්
කිසිවක් නැත
පරලොව ගෙන යන්නේ
මනසින් රැස්කළ කුසලය පමණකි
සුවඳැති මල් සේ
මෙලොවින් සමුගෙන
ඔබ ගෙන යන්නේ

බුදු හිමි වැඩිමඟ පියවර තබනා
සැදැහැති සව්වකු සේ

බියකරු සසරේ සැමහට
සැමදා සැනසුම එය වේ
රැකවරණය එය වේ
එහි මල් ඵල සැම කල්
මහ රහතුන් ලැබ ගන්නේ

ආචාර්ය
රත්නපාල වික්‍රමසිංහ