බොදු පුවත් (ඡායාරූප)
 

විනයානුකූල සිවුරු මැසීමේ කර්මාන්තයේ නියුතු ගෝනාපීනුවල සුනිල් මහතාගේ සේවය අගය කිරීම පිණිස අමරපුර මූලවංශ මහානිකාය විසින් ශාසනසේවා කීර්ති ‘ධර්මබන්ධු ලංකාපුත්‍ර’ ගෞරව නාමයෙන් පුදනු ලැබීය. ඒ පිළිබඳ සන්නස් පත්‍රය කොස්ගොඩ සරණංකර මහ නා හිමියන් අතින් සුනිල් මහතා ලබාගත් අවස්ථාව ඡායාරූපයේ දැක්වේ.

ගම්පහ, ගණේමුල්ල, මහගම, සෙත්සෙවන සදහම් විහාරාධිපති, කිවිපති, කාව්‍ය ශිරෝමණී සන්නස්ගම බුද්ධපි‍්‍රය හිමියන්ගේ අනුශාසනා පරිදි ප්‍රදේශවාසීන්ගේ ආධාරයෙන් එම විහාරස්ථානයේ බෝධීන් වහන්සේ වටා ඉදිකළ රන් වැට සහිත බෝධි ප්‍රාකාරය නොබෝදා විවෘත කෙරිණි. සියනෑ කෝරලේ ප්‍රධාන සංඝනායක තෝරපිටියේ ආනන්ද නාහිමියන් සහ, සියනෑ කෝරලේ ප්‍රධාන අධිකරණ සංඝනායක අමුනුගොඩ සෝමානන්ද නා හිමිපාණන් වහන්සේ ඇතුළු මහා සංඝරත්නය සහ සැදැහැවතුන් පිරිසක් එම අවස්ථාවට සහභාගි වූහ.