මිහින්තලා ආලෝක පූජාව නිමිත්තෙන්
‘බුදුසරණ’ කථික තරගය ජුනි 5 දා
චිත්‍රාරත්න කළුආරච්චි - හිදෝගම සමූහ
ලංකාවේ සීමාසහිත එක්සත් ප්රවෘත්ති පත්‍ර සමාගම හතළිස් අට (48) වන
වතාවටත් මිහින්තලයේදී සිදුකරන ආලෝක පූජාවට සමගාමීව “ බුදුසරණ “ පුවත්පත
අනුග්‍රහයෙන් පවත්වන කථික තරගය ජුනි මස 05 දින මිහින්තලය මධ්‍ය මහා
විද්‍යාලයේදී පැවැත්වේ.
“බුදුසරණ “ පුවත්පත ජාතික ඉතිරිකිරීමේ බැංකුව සහ ලේක්හවුස් බෞද්ධ සංගමය
අනුග්‍රහයෙන් “ බුදුසරණ “ කථික තරගය පවත්වනු ලබයි.
තරග ජයග්‍රාහකයිනට ලේක්හවුස් බෞද්ධ සංගමයේ අනුග්‍රහයෙන් පියසේන නිශ්ශංක
අනුස්මරණ සම්මානය ඩී.ආර්. විජේවර්ධන අනුස්මරණ සම්මානය සහ බුදුසරණ
සම්මානය ප්‍රදානය කෙරේ. ජයගන්නා මුල් තිදෙනාට රුපියල් දහ දාහ (10 000
/=) රුපියල් හත්දහස් පන්සීය (7500/=) සහ රුපියල් පන්දාහ (5000/=)
බැගින් ජාතික ඉතිරි කිරීමේ බැංකුව අනුග්‍රහයෙන් මුදලින් ත්‍යාග සහ
සහතික පත් පිරිනැමේ. හතරවන ස්ථානයේ සිට දසවන ස්ථානය දක්වා මුදලින්
රුපියල් දහස (1000/=) ත්‍යාග පිරි නැමේ.
උතුරු මැද පළාතේ දිනපතා පාසල් හා දහම් පාසල් ශිෂ්‍ය ශිෂ්‍යාවන්ට මීට
සහභාගි විය හැකි වන අතර හය වසරේ සිට නමය වසර දක්වා ඉගෙනුම ලබන ශිෂ්‍ය
ශිෂ්‍යාවන් කනිෂ්ඨ වශයෙන්ද, දහය වසරේ සිට දහතුන වසර දක්වා ජ්‍යෙෂ්ඨ
වශයෙන් ද කථික තරග සඳහා සහභාගි විය හැක. |
