ශ්‍රී බුද්ධ වර්ෂ 2554
වෙසක් චිත්‍ර තරගාවලිය - 2010
ශ්‍රී.බු.ව. 2554 වෙසක් උලෙළ වෙනුවෙන් නෙළුව ප්‍රාදේශීය ලේකම්
කොට්ඨාශයේ දහම් පාසල් හා පාසල් සිසුන් අතර වෙසක් චිත්‍ර තරගාවලියක්
පස්වන වරටත් සංවිධානය කොට ඇත. එහි විස්තර පහත පරිදි වේ.
සහභාගි වියහැකි අංශ
01. ප්‍රාථමික අංශය – 1,2,3,4 ශ්‍රේණි
02. කණිෂ්ඨ අංශය – 5,6,7,8 ශ්‍රේණි
03. ජ්‍යෙෂ්ඨ අංශය – 9,10 ශ්‍රේණි හා දහම් පාසල් අවසාන, ධර්මාචාර්ය
පන්ති
(සා.පෙළ හා උසස් පෙළ)
* තේමාව - බුදුරජාණන් වහන්සේගේ ජීවිතයේ වැදගත් අවස්ථාවන් හෝ සම්බුද්ධ
ශාසනයේ ඓතිහාසික සිද්ධියක් පදනම් කොට ගැනීමෙන් තමාගේ අභිමතය පරිදි
චිත්‍ර නිර්මාණය කළ හැකිය.
* චිත්‍ර වල ප්‍රමාණය අඟල් 14X18 ප්‍රමාණය (ඒ 3) බ්‍රිස්ටල් බෝඩ්
/ඩ්‍රෝවින් කොළවල චිත්‍ර ඇදිය යුතුය.
* මාධ්‍ය - පැස්ටල් හෝ දියසායම්/කොලාජ්
ඉහත කොන්දේසිවලට අදාළව නිර්මාණය කරන ලද සියලුම චිත්‍රවල පිටුපස
ශිෂ්‍යාගේ/ශිෂ්‍යාවගේ නම, ශ්‍රේණිය, අදාළ අංශය, උපන්දිනය, දහම් පාසලේ
නම හා එහි ලිපිනයද සඳහන් කොට අදාළ ශිෂ්‍යාගේ / ශිෂ්‍යාවගේ නිර්මාණයක්
බවට විදුහල්පති හෝ ප්‍රධානාචාර්යවරයාගේ නිර්දේශයද සමඟින් 2010 මැයි මස
17 වන දින හෝ ඊට ප්‍රථම බෞද්ධ කටයුතු අංශය, ප්‍රාදේශීය ලේකම් කාර්යාලය,
නෙළුව යන ලිපිනයට ලැබීමට සලස්වන මෙන් කාරුණිකව දන්වමි. ජයග්‍රාහකයන්ට
වටිනා ත්‍යාග හා සහතික පත්‍ර ප්‍රදානය 2010 මැයි මස අවසාන සතියේදී
සිදුකෙරේ. ඒ බව පසුව දන්වා එවමි. මෙම කර්තව්‍ය සාර්ථක කර ගැනීම සඳහා
ඔබෙන් ලැබෙන සහාය අගයකොට සළකමි.
(චිත්‍ර වලට හානි නොවන පරිදි පාර්සල් කිරීම මැනවි).
|
