කතරගම කිරි වෙහෙරේ වාර්ෂික පින්කම් මාලාව

රුහුණු මහා කතරගම කිරි වෙහෙර චෛත්‍ය රාජයාණන් වහන්සේට කොත පැලැන්දූ දිනය සිහිපත් කරමින් කතරගම කිරි වෙහෙර රාජ මහා විහාරාධිපති රාජකීය පණ්ඩිත අළුත්වැවේ සෝරත නාහිමියන්ගේ අනුශාසනා පරිදි, කැප්පෙටිපොල ශ්‍රී සතර මහා දේවාලය මගින් වාර්ෂිකව පවත්වන මහා පින්කම් මාලාව 40 වෙනි වරටත් පෙබරවාරි මස 26,27 යන දිනවල කිරි වෙහෙර අභියසදී පැවැත්වේ.

26 වනදා අළුයම කැප්පෙටිපොල සිට කතරගම කිරි වෙහෙර අබියසට ගොස් එදින සවස අෂ්ඨ පල මහා බෝධි පූජාව, මහා පහන් ආලෝක පූජාව, සර්ව රාත්‍රික පිරිත් ධර්ම දේශනාවක්ද , භක්ති හේවිසි පූජාව ද පවත්වා 27 වන දින හීල් දානය, දවල් සාංඝික මහා දානය පිළිගැන්වීම ද ඊශ්වර ශ්‍රී ස්කන්ධ කුමාර, ශ්‍රී ගණ දෙවි, දැඩිමුණ්ඩ, පත්තිනි යන දෙවිවරුන් උදෙසා මුළුතැන් පූජාවක්ද පැවැත්වීම සිදු කරන අතර මෙම පින්කම් මාලාවේ නිර්මාතෘ වන අපවත් වී වදාළ නා හිමිවරුන්ට පින් අනුමෝදනා කිරීම ද ආරක්‍ෂක අංශයේ සැමට ආසිරි පැතීම ද , මියගිය සියලු දෙනාට පින් දීම ද, ජීවත්ව සිටින අයට ආසිරි පැතීමද, ජනාධිපතිතුමාට, ලක් රජයට, ත්‍රිවිධ හමුදාවට සෙත් පැතීම ද මෙම පින්කමට ඇතුලත් වේ.