සියඹලාගොඩ පඤ්ඤාතිස්ස නා හිමියන්ට දිගාසිරි පතා පින්කම්

අකුරැස්ස සියඹලාගොඩ ශ්‍රී නිත්තමළුව පුරාණ විහාරාධිපති විශ්‍රාමික පරිවේණාධිපති ප්‍රවීණාචාර්ය පණ්ඩිත මහෝපාධ්‍යාය සියඹලාගොඩ පඤ්ඤාතිස්සාභිධාන මාතර පළාතේ ප්‍රධාන සංඝනායක ස්වාමීන්ද්‍රයන් වහන්සේ අනූදෙවැනි වියට පා තැබීම නිමිති කොට ශිෂ්‍ය පිරිස සහ දායක සභාව විසින් පුණ්‍යෙීත්සව කිහිපයක්ම සංවිධානය කොට ඇත.

ප්‍රදේශයේ සුබ සිද්ධිය සඳහාත්, දැන උගත් ගිහි පැවිදි විශාල සිසු පිරිසක් බිහි කිරීම පිණිසත් මහත් වෙහෙසක් ගෙන කටයුතු කරමින් කීර්තිමත් පැවිදි ජීවිතයක් ගත කරන පඤ්ඤාතිස්ස නා හිමිපාණන්ට නිරෝගී සැපත හා චිරජීවනය පතා සංවිධානය කොට ඇති පින්කම් මාලාවට අනුව නොවැ. 21 හා 22 යන දිනයන්හි පස්වරු 6.30 ට බෝධිපූජාවන් පවත්වා අනතුරුව ධර්ම දේශනාවන් සිදු කිරීමට නියමිතව තිබිණි. 23 දින පැවැත්වෙන සර්ව රාත්‍රික පරිත්‍රාණ දේශනාවෙන් පසු 24 දවල් සඟ සතු මහා දානයක් පිරි නැමේ.