පින් පුරවමු වස්සානේ
ආකාසේ නිල නෑනේ
කළු වී ගොරවනවානේ
ගමන් බිමන් යන්නෙ කොහොම
ඇවිදින් නොවැ වස්සානේ
කාලය නැඟ යයි යානේ
පෙර පින් නිම වෙනවානේ
මතුවට පුරවා ගන්නට
මෙහෙම කලක් තව නෑනේ
පුදබිම වෙත ගම්මානේ
යමු අපි දවසක් ගානේ
වස් වසනා හිමිවරුගෙන්
විමසමු මොනවද ඕනේ
සියොතුන් සේ එක රෑනේ
එකමුතු වෙන්නට ඕනේ
පිළිගන්වමු නොවරදවා
හිමිවරුනට වස් දානේ
වස්කාලය අවසානේ
කළ විට චීවර දානේ
අට මහ කුසලයෙන් එකක්
අපටත් හිමි වෙනවානේ
චන්ද්‍රා වාකිස්ට
පොල්ගහමුල්ල
දික්වැල්ල |
