කසාවත
දන් දී පසේ බුදු සමිඳුන් පන් සියට
ලැබ ගත් පිනෙන් දිව සැප විඳ නිසි ලෙසට
සිදුහත් බෝසතුන් බුදු වූ කල දියට
ගෝතමි දියණි විය දෙව්දහ රජ ගෙයට
සුදොවුන් කපිල වස්තුවෙ රජ පදවි දරා
මායා සමඟ වෙසෙමින් සිත සතුට අරා
ගෝතමි කුමරිය ද කැඳවා මැඳුර කරා
පිදුවේ උප බිසව් තනතුර සෙනෙහෙ පුරා
සිදුහත් ජනිත වී සත්දින ගෙවුණ විට
පැතුමන් විලස මායා සුරලොවට බට
සුළු මව් පදවි ලැබ ඉන්පසු කුමරු හට
වැඩැවී ගුණ නුවණ මතු බුදු පදවියට
සසරේ අනිස බව දැක කෙලෙසුන් පිරුණ
හැරදා රජ මැඳුර දේවිය පුතු කලණ
දැහැනට සම වැදී කැර මරු සහ සටන
සිදුහත් ලැබුවෝ බුදු පදවිය කිරණ
දඹගල්ලේ කේ.බී. රත්නායක |
