අරුම පුදුම සංස්කාර
කරුණාවයි මෛත්‍රියයි කුසල් වුණත් සංස්කාර
පින් කරන්න හිත නැමෙන්නෙ එතැනත් ඒ සංස්කාර
සමාධියේ සිත රැඳුනම අකම්පිතයි සංස්කාර
සසර සයුර තුළ ගිලෙන්නෙ හිතේ හදන සංස්කාර
දැක්ම තුළින් දෙයක් තනා මුළා කරන සංස්කාර
ඇසෙනාවිට අසන දෙයක් හිතේ හැදුවෙ සංස්කාර
අරමුණූ තුළ පැටලී ගෙන ලොවක් හදන සංස්කාර
නිවන් මඟින් ඉවත දමා සසර වඩන සංස්කාර
අනිත්‍ය දේ නිත්‍ය ලෙසට මුළා කරන සංස්කාර
අසුබ දේට සුබයි කියා හිත රවටන සංස්කාර
ආත්මයේ සිත බැසගෙන ගෙවා දමන සංස්කාර
ජීවිතය ම ගෙවී යන්නෙ නුඹ සමඟයි සංස්කාර
බුදු සමිඳුන් පහළ වෙලා කියා දුන්න සංස්කාර
ලොවින් එතෙර වූ අයමයි හඳුන ගත්තෙ සංස්කාර
කලකිරීම ඇති වුනොතින් හඳුනාගෙන සංස්කාර
විසංඛාර වේ ඒ සිත ගෙවා දමා සංස්කාර
පොතුහැර විපස්සි හිමි |
