|
අමා රස
රූපෙන් හඬින් සුවඳින් වල්මත් වන්නේ
රසයෙන් තව තවත් කිම දිව රවටන්නේ
කය සතපන්නමයි සැම දෙන වෙහෙසෙන්නේ
සිත දමනය වුනොත් ඉන් මරු පැරදෙන්නේ
මෙත් සිත පතුරවා සැම සතහට නිතර
ගෙවනා දිවිය නිම වනතුරු මේ සසර
නොකරනු කිසිවිටක කෙනකුට නම් වෛර
එය වෙයි අමාරස ලැබු සදහම් මිහිර
මාතලේ සුජාතා සිල්මාතාව
****
මුදු ගුණය
විය උණුකර රනින් ගෙන ආභරණ සැදෙන්
කය වචනය දෙකෙන් මුදු බව එලෙස පිදෙන්
එය තමනට මෙන්ම පරහට සුවය සැදෙන්
මෙය හුඟවිට හැමගෙ සැලකිල්ලට ද යෙදෙන්
මුදු වචනයට තිරිසන් වුව සතෙකු අතින්
රුදු ගති අතැර ළං වෙයි ආදරයෙ සෙතින්
බුදු හිමි දරුණු අය දමනය කළේ මෙතින්
සැදු එම ගුණය විමසමු නිති දහම වෙතින්
අධ්‍යාපනවේදී, විශ්‍රාමලත් පරිවේණාචාර්ය
ජී.බී.ගුණරත්න
****
මුනිදු දෙසූ දම්
ලෝබ දෝස මෝහය මත මුළා වෙලා
රාග මාන මද උද්දච්චය හැදිලා
පාප චේතනාවන්ගෙන් හැම මිදිලා
නේන ගමන් යමු අපි නිවනේ නිවිලා
විමලසේන හෙට්ටිආරච්චි
අස්ගිරිය
වල්පොල
****
දම්සක් පැවතුම
ඉසිපතන භූමියෙ න්
ඇසුණ ූදම්සක් හඬි න්
අකනිඨා බඹ ලොවි න්
වැඩියේ බඹ සුර රජු න්
හැම මදනල පව න්
මිගදායේ පින් බිමෙ න්
තුෂර බිදු වස්සමි න්
දම් රසය විහිදු වෙ න්
රංජනී කුලරත්න
වාරියපොල |
