සසර දුක් ගිනි නිවන්නට
පුංචි පුතු මගෙ මැණික
දඟකර දුවලා හැංගෙන
නිවසෙ සැවොමත්
හිනා ගස්සන
ගුටි නොකන මගේ
සුරතල් පුංචි පුතු
නිවසෙ මිණි පහන
සසරෙ සැම දිනම
හරිම හරි වෙනස් දැන්
පෙනෙන්නට නෑනේ දඟ සිත
හැංගිලා දෝ තැනක
ගත පුරාවට
සංවරය දෝරෙ ගලන
ඉර බහින සැන්දෑවේ
වතු සුද්ද මල් වට්ටියක්
පුංචි දෝතින් දරා
තෙරුවනට පුද දෙන
පුංචි පුතු මගෙ මැණික
ඇසුණා ද මගෙ පුතුට
සිත නිවන බුදු බණ
ගෙවුණු පොහෝ දිනවල
ඊයේ සවස අප්පච්චිට
පැවසුවා ද රහසින
කසාවතක් බබළන මඟ සිතුණා ද මල් සිතට
බුදු සමිඳු දෙසුව මේ
උතුම් සම්බුදු සසුනෙ
සසර දුක් ගිනි නිවාලන්නට
ලොවට දම් දෙසන්නට
පුංචි පොඩි සාධු වී......
නීතිඥ කීර්ති කපුවත්ත
රිදීගම |
