සුවඳ පද්මයක් වනු මැන
හිමි සඳ
රන්වැලියෙ සෑ මළුව
සඳපානෙ පියනැඟුව
උදුළ රන් කසාවත
පුබුදුවයි සදැහැ සිත
පල්ලේගම හිමිසඳුන්
පා පියුම් මම වඳිමි
දනන් හෙළන සුසුමන් හද පුරවා
අතට රැගෙන පන්හිඳ ගී ලියනා
තවත් සියක්වස් ආයු ලැබ ගෙනා
සුවඳ පද්මයක් වනු මැන හිමි සඳ
පල්ලේගම හිමිසඳුන්
පා පියුම් මම වඳිම්
අනතිමාන ගුණයෙන් වූ පූජිත
නිබඳ මුවෙහි හසරැල්ලෙන් ලංකෘත
සසුනඹරේ පුන්සඳ සේ විකසිත
සමිඳ ඔබට පුදනෙමි හද බැති මල්
පල්ලේගම හිමිසඳුන්
පා පියුම් මම වඳිම්
අටමස්ථානාධිපති ධුරයට අභිනවයෙන් පත්වූ අතිපූජ්‍ය පල්ලේගම හේමරතන නාහිමිපාණන්
වහන්සේට උපහාර පිණිස ය
ආචාර්ය
රත්නපාල වික්‍රමසිංහ |
