දරුවනේ
මේ ලොවම ඔබට නිමැවුණ තැනක්
ආදරේ වපුරන්න
ඉතා හොඳ පින් බිමක්
ගුණ සුවඳ පතුරන්න
මහ විසල් ඉඩකඩක්
සෙනෙහෙ පල නෙළන්නට
නිකැළැල් වූ කෙම්බිමක්
පැටවුනේ මේ ලොවම
ඔබට නිමැවුණු තැනක්
දරුවන්ගෙ සිනාව ම
හුස්ම වූ අම්මලා
දරුවන්ට පණ දෙන්න
වෙහෙසලන අප්පලා
සෙනෙහසින් ශිල්ප දෙන
අදරබර ගුරුන්ලා
ඒ ඇතිය දිවියට ම
නුඹ දිනුම් හිතල්ලා
සිහින මහ ගොඩක් දැක
එළි කරනු අටියනේ
දුටු සිහින සැබෑ
කරලන්න වැඩ කරමිනේ
සිහිනයේ එළිපතට
නුඹ දිනෙක එන දිනේ
දෙගුරන්ගෙ අත් රැගෙන
සිනාසෙන් හැම දිනේ
වෙන පැතුම් ගොඩක් නෑ
මේ ලොව ළමා දිනේ
හැමදාම හැමදේම
දිනාපන් පැටවුනේ
ඔක්. 01 වැනි දිනට යෙදුණු
ලෝක ළමා දිනය වෙනුවෙනි. කොළඹ රාජකීය විද්‍යාලයේ
ආචාරිණී
අචලා ධර්මවික්‍රම |
