බෙල්ලන්විල
ඇසළ පෙරහර
සිරිලක කිතුගොස දෑ අභිමානේ
සුපතළ වූ ලොව දස දෙස එක සේ
දෙව්රම් වෙහෙරේ අසිරිය මතුවේ
සැමදා බෙල්ලන්විල මහ වෙහෙරේ
සුවහස් කල් සුදිලේ ලක් දෙරණේ
මුඳුනත් දී වඳීනෙමි බැති සිතිනේ
පෙරහර යනවා රෑ සඳ පානේ
සැදැහැති හදවත් සිසිලෙන් නැහැවේ
විසිතුරු සිතුවම් නෙත්සිත් පිනවයි
බොඳු හැඟුමින් ලෝ දන හැම පුබුදයි
කලාමහිම නෙත රසඳුන් ගල්වයි
දෙතිස් පළෙන් පැන නැඟි බෝ සමිඳුයි
හැම දන ඉඳුරන් නිවනා සනසන
පුණ්‍ය නිකේතනයයි බෙල්ලන්විල
හේවිසි හොරනෑ ගැටබෙර තම්මැට
වන්නම් ලී කෙළි පිළිරැව් නැඟෙනා
සුදු පාවඩ පිට සන්සුන් ගමනින්
ඇත් රජු කරඬුව වැඩමන අභිමන්
පෙර රජ දවසේ අසිරිය පළවේ
බෙල්ලන්විල මහ ඇසළ පෙරහරයි
පෙරහර යනවා රෑ සඳ පානේ
සැදැහැති හදවත් සිසිලෙන් නැහැවේ
බෙල්ලන්විල රන්දෝලි මහ පෙරහර පසුගිය 27 වැනි දින පැවැත්විණ. මේ පබැඳුම
ඒ නිමිත්තෙනි.
ආචාර්ය
රත්නපාල වික්‍රමසිංහ |
