වඳීමු පුදමු
මුනි සිරිපා
කරුණාවයි දෙවි කරුණාවයි
සුමන සමන් දෙවි කරුණාවයි
උඳුවප් පුන් පෝය සඳේ
සුමන සමන් දෙව් රජිඳුන්
කළ ඇරැයුම පිළි අරගෙන
මගෙ සම්බුදු හිමිපාණෝ
වැඩියෝ සමනල සිරසට
අනුකම්පා කොට සත වෙත
පිහිට වූහ සමනල මත
මුනි සිරිපා වම් පියුමන්
සුවහස් දන වඳීති පුදති
දෑ කුල ආගම් නොතකති
පඬුරු බැඳන් පිරුවට ඇඳ
සමන් දෙවිඳු පේවීලා
සීත ගඟුලෙ සෝදා පව්
ඉඳීකටු පානෙදි ගෙත්තම්
හද බැතියෙනි පුද කරලා
පෙරදිග අහසේ රතුවට
මතුවන පෙර මඟ සලකුණ
මගෙ සම්බුඳු හිමි සිරිපා
වඳිනා ඉර සේවය දැක
තුන් සරණේ කව් ගීයෙන්
කරමු කරමු වන්දනා
ආචාර්ය
රත්නපාල වික්‍රමසිංහ |
