වඳිම් බැතින් සඳහිරු තුඟු මහ සෑය

යුද බිය රුදු තිස් වසරක
පලවා හැර රට රකිනට
තිස් දහසක් දිවි පුද කළ
අපෙ රණවිරු දූ දරුවන්

සිහි කර තැනු සඳහිරු සෑ
වඳිමු පුදමු හද බැතියෙන්

අත් පා නෙත් සුවහසකින්
මව් බිම රැකුමට පුද කළ
නොබෙදු රටක් මතු පරපුර
වෙතට පිදුව හෙළ විරු දරු

සිහි කර තැනූ සඳහිරු සෑ
වඳිමු පුදමු හද බැතියෙන්

රුහිරු වගුළ හෙළ දෙරණට
සුවඳ තබා වා තලයෙහි
නෙත පියවුණු විරු දරුවනි
දැය ම ඔබට ණය ගැති වේ

සිහි කර තැනු සඳහිරු සෑ
වඳිමු පුදමු හද බැතියෙන්

ආචාර්ය රත්නපාල වික්‍රමසිංහ