අන්න බලන් පුතු
පියතුමො වඩිතෙයි
![](z_p13-Anna.jpg)
රන්සිරි පා පියුමයි
සක් ලකුණින් බැබළෙයි
චාමර චත්ර දෙපා සරසයි
අන්න බලන් මගෙ රාහුල පුතුනේ
ඔබ පියතුමො වඩිතෙයි
බුදු පදවිය ලබලා
සැකිකුල සුකුමල වූ
දෙතිස් ලකුණු සැපිරූ
දෙව් බඹු මිනිසුන් වැඳුම් ලැබූ
ඇත් රජු විලසින් පියතුමො වඩිතෙයි
පොඩි රාහුල පුතුනේ
නිලඹර පුන් සඳකි
වට රන් තරු රැසකි
සව්වන් මැද සදහම් දෙසති
පියුම් විලක රන් පියුමකි පියතුමො
පොඩි රාහුල පුතුනේ
නරසීහ ගාථා ඇසුරිනි
ආචාර්ය රත්නපාල වික්රමසිංහ |