වදහළ සුගැඹුරු බණපද කොටුගොඩ සමිඳ

අමරපුර නිකායේ
උතුරුතර පදවියෙන්
පිදුම්ලද කොටුගොඩ
නා හිමි සඳුන් රුක
දියත පතළ දම් සුවඳ විහිද වූ අප

දහම් වස් හිමි සඳේ
අඩුව පුරවමු කෙසේ

මහා සඟ පරපුරට
පහන් කන්දක් විලස
ලක් සඟන මිණි වැලේ
පරමාදර්ශය
දෙවුන් අනූවස් පුරා දිදුල
මරකත මැණික

දහම් වස් හිමි සඳේ
අඩුව පුරවමු කෙසේ

සදහම් අණබෙරය
දෙව් ලොවට වැඩමවා
ඉතින් කෙලෙසද සුගැඹුරු
බණ යළි අසනුයේ
දෙව් ලොව හිඳ දහම්
දෙසනවද සමිඳුණේ

දහම් වස් හිමි සඳේ
අඩුව පුරවමු කෙසේ

මුදු මොළොක් පිය බසින්
ලෙවන් හද නිවාලූ
සමිඳු කොටුගොඩ
දහම් ගඟ වියැළුණේ
සැදැහැවත් දනන් හද
දම් සිසිල වියැකුණේ

දහම් වස් හිමි සඳේ
අඩුව පුරවමු කෙසේ

ආචාර්ය
රත්නපාල වික්‍රමසිංහ